Postimet E Fundit
Stres
· Adoleshent
· Të rritur
· Prindër
Parandalimi i stresit – 5 Rekomandime për ty
Parandalimi i stresit kronik mund të jetë sfidë e vështirë për këdo, por nuk është e pamundur nëse bëjmë disa aktivitete.
Parandalimi i stresit mund të ndodhë nëse shtoni këto aktivitete të thjeshta në rutinën tuaj:
1. Vendos balanca
Balanconi përgjegjësitë (si detyrat e shkollës / punës) me aktivitetet që ju pëlqejnë (si pushimi ose kalimi i kohës me miqtë).
Gjithçka ka të bëjë me ekuilibrin. Edhe nëse kaloni shumë kohë me argëtime sa nuk ka kohë për detyrat, do ju stresojë gjithashtu.
Testoni pak veten nëse jeni në gjendje t’i vendosni vetes balanca:
- Kontrrolloni sa kohë në ditë e përdorni telefonin në kohë pushimi?
- Çfarë bëtë për veten gjatë kohës së lirë?
- Mendoni për punën dhe pas punës?
- Nuk arrini të punoni të përqëndruar pasi po medoni për debatin e mbrëmshëm në familje?
Përgjigjjet e këtyre pyetjeve do t’ju tregojnë sa fuqi keni ju mbi kontrrollin e vetes, kohës tuaj dhe mirëqënies tuaj.
Nëse kjo është pika juaj e dobët, mund të filloni procesin e edukimit të vetes në këtë aspekt përmes teknikave terapeutike që mund t’i zbatoni derisa të bëhen pjesë e juaja.
Një prej tyre është si më poshtë.
2. Menaxho përgjegjësitë
Përdor një kalendar ose aplikacion planifikimi për të mbajtur nën kontroll detyrat, punët, praktikat dhe detyrimet e tjera.
Sigurisht, planifikimi nuk është i mirë nëse nuk e bëni atë që planifikoni.
Tek parandalimi i stresit përfshihen gjithashtu aktivitetet:
- Studim i rregullt;
- Zbatimi i detyrave brenda afateve të caktuara;
- Mos zvarritja e gjërave që duhen përfunduar;
Mos realizimi i aktiviteteve që janë përgjegjësi e juaja, vetëm sa do t’ju shtojnë sasinë e stresit në ditën tuaj kur ta gjeni veten në një grumbull detyrash të papërfunduara.
Merrni kohë për të reflektuar pak çdo ditë dhe mendoni se si po shkojnë gjërat.
- Çfarë duhet të bëj? 1…2…3…
- Sa kohë kam në dispozicion për ta përfunduar? Një orë; Dy ditë; Një javë etj..
- Cili aktivitet ka më shumë prioritet? Përfundimi i projektit; Studimi; etj…
- Cilën strategji pune duhet të ndjek?
3. Ha ushqime të shëndetshme
Ajo që hani ndikon në humorin tuaj, energjinë dhe nivelin e stresit.
Ushqimi i shëndetshëm nuk do të thotë të shmangësh të gjitha ëmbëlsirat – kthehemi përsëri tek ajo gjëja e ekuilibrit.
Është në rregull që ta trajtoni veten me akullore herë pas here nëse hani një sallatë ose gjeldeti për drekë. Por nëse akullorja dhe ëmbëlsirat janë burimi juaj kryesor i karburantit, ka të ngjarë të ndiheni të çuditshëm – dhe të stresuar.
4. Fli mirë
Kjo mund të duket si një ide pa mend. Në fund të fundit, kujt nuk i pëlqen të fle? Por marrja e sasisë së duhur të gjumit është në të vërtetë diçka në të cilën duhet të përqendrohemi.
Kush nga ne e merr forcën të lërë telefonin të fikur tek komodina në orën 21:30 ose në 22:00, pasi në 6:00 duhet të ngrihet? Nuk besoj se janë shumë?!
Ndonjëherë janë dhe deyrat e papërfunduara siç thamë në pikën 2 që marrin kohën tonë të gjumit, vetëm se nuk i përfunduam në kohën e caktuar.
Pagjumesia është shkakëtari i shumë gjendjeve si:
5. Ushtrohu rregullisht
Përveç përfitimeve shëndetësore fizike, stërvitja është treguar të jetë një lehtësues i fuqishëm i stresit.
Merrni kohë për të ushtruar çdo ditë nëse mundeni. Është e vështirë të ndihesh në ankth kur merr frymë thellë gjatë vrapimit.
Ushtrimi nuk na heq mendjen nga stresi plotësisht, por lëshon kimikate në trurin tonë që na bëjnë të ndihemi më mirë. Çlirimi i endorfinave – substanca natyrore që ju ndihmojnë të ndiheni më mirë dhe të mbani një humor konstant pozitiv.
Këto janë fakte shkencore dhe shpresoj që të jenë një nxitje për një vrap këtë pasdite. Merrni parasysh ushtrimet aerobike, jo vetëm forcimin me pesha dhe vendosni synime të arsyeshme për veten tuaj.
Konkluzion
Të gjitha këto më poshtë mund të krijojnë tension dhe stres:
- Detyrat në shkollë ose në punë;
- Përgjegjësitë në shtëpi;
- Oraret e ngarkuara;
- Pritshmëritë e njerëzve të tjerë;
- Zhgënjimet;
- Afatet;
- Drama sociale;
Stresorët e përditshëm kanë një natyrë të grumbullohen nëse nuk i mbajmë nën kontroll apo t’i zgjidhim në kohë.
Parandalimi i stresit ose të mësosh të menaxhosh stresin do të thotë të krijosh aftësi përballuese që të lejojnë të arrish sukses në sfidat e përditshme.
Të gjithë përjetojmë stres, i cili mund të shkaktohet nga një sërë ngjarjesh, nga sherret e vogla të përditshme në ndryshimet e mëdha si divorci ose humbja e punës.
Edhe pse shpesh e mendojmë si negativ, stresi mund të vijë edhe nga ndryshimet pozitive në jetën tuaj, si marrja e një pozicioni në punë ose lindja e një fëmije.
Ndërsa askush nuk mund të shmangë të gjithë stresin, ju mund të punoni duke trajnuar veten në ndjekjen e pesë rregullave të shënuara në këtë artikull. Nëse gjeni sërish vështirësi dhe keni stres kronik deri në mbingarkesa emocionale të pakontrrollueshme, kërkoni ndihmë profesionale.
