Po sikur sëmundjet mendore të jenë adaptim evolutiv?

Çfarë ne dimë për sëmundjet mendore në fakt mund të jetë një punë evolucioni. Ky është një kuptim fondamental i shëndetit mendor, që eksploron një ide revolucionare.

Lexo më shumë:

1. E kishit menduar kështu?
2. Mbështetja historike për këtë qasje
3. Katër shembuj modern
4. Kuptimi shqetësimit si strategji

1. E kishit menduar kështu?

Nga një prespektivë evolucionale, disa gjëra që ne i quajmë “sëmundje mendore” jane në të vërtetë reagime-përgjigje të shëndetshme të trupit dhe mendjes kundrejt sfidave.  

Do të thotë të kalosh nga të menduarit për çrregullimet si defekte biologjike drejt te menduarit për to si strategji të dizenjuara nga mendja për tu përballur me sfidat e jetës.

Shembulli i etheve

Në të kaluarën, ethet konsideroheshin sëmundje, sot e dimë që janë reaksion mbrojtës i trupit.

Kështu Justin Garson autori i librit “Çmenduria: Një eksplorim filozofik.”  propozon se depresioni dhe çrregullime të tjera mendore janë si ethet.. forma të mbrojtjes dhe sinjale për ndryshim.

Evolucioni i depresionit

Bazuar në librin “Why we get sick” depresioni eshtë një mekanizëm natyral i mendjes që sinjalizon se diçka nuk funksionon në jetën tonë. 

Në vend që të shihet si çekuilibër kimik, simptomat e depresionit çojnë thirrje për reflektim dhe ndryshim.

2. Mbështetja historike për këtë qasje

Freud besonte se sëmundjet mendore mund të kenë funksione të fshehura psikike.

Philippe Pinel dhe Johann Heinroth i panë episodet psikotike si katarsis natyral:

Mënyra e mendjes për të pastruar veten nga dhimbjet e jetës.

Robert Burton shek 17 e pa melankolinë si një sinjal nga zoti për të nxitur reflektimin dhe ndryshimin jetësor, pavarësisht interpretimeve fetare stigmatizuese.

3. Katër shembuj modern

Depresioni

Shihet jo si çekuilibër kimik, por si strategji sinjalizuese që diçka në jetë kërkon ndryshim 

Çrregullimet e personalitetit kufitar

Sjelljet si mosbesimi dhe impulsiviteti mund të jenë strategji mbijetese pas traumes, jo dëmtime të trurit. 

Deluzionet

Disa deluzione mund të jenë mekanizma mbrojtës ndaj realitetit të dhimbshëm. Psh sindroma e mohimit te tradhëtisë bashkeshortore.

Disleksia dhe ADHD

ADHD, autizmi dhe disleksia mund të kuptohen si stile të evoluara konjitive. Pra jo patjetër disfunskione, por si një prirje e re për kreativitet dhe problem zgjidhje. 

Për shembull në disa mjedise si komunitetet nomade, karakteristikat e ADHD mund të jenë përparësi jo pengesa.

4. Kuptimi shqetësimit si strategji

Shumë simptoma mendore kuptohen si strategji mbijetese të përshatura ndaj rrethanave të vështira, jo si defekte të trurit. 

Për shembull hipervigjilenca, ka lindur si përgjigjë ndaj traumave të fëmijërisë dhe mund të mos jetë e nevojshme sot, por ka pasur funksion. 

Për shumë njerëz kuptimi i simptomave si strategji të zhvilluara në përgjigje të stresit dhe traumës është fuqizuese.

Përmbledhje

Kuptimet dominuese “sëmundja e trurit” ose çrregullimet kimike sigmatizon njerëzit dhe bën të vështire të imagjinohen alternativa. 

Qëllimi që ka kjo qasje është të zgjerohet kuadri i zgjedhjeve se si njerëzit të shikojnë simptomat e tyre.

Diagnozat dështojnë të reflektojnë për përvojën individuale, sidomos kur mbështeten vetëm në modele DSM / ICD. 

Mesazh nga Justin:

Njerëzit meritojnë kuptime të pasura, të ndryshme dhe më njerëzore për përvojat e tyre psikologjike, jo vetëm diagnozë dhe pilulë.