Agresioni – Si të sillemi me një person agresiv?

Agresioni sjell ndjenja zemërimi që rezulton në sjellje të dhunshme.

Mësoni më shumë rreth agresionit:

1. Si duket një person agresiv?
2. Si të sillemi me një person agresiv?
3. Nuk rekomandohet
4. Si të ndihmoni veten?

1. Si duket një person agresiv?

Pamja e një personi agresiv:

• Fillon skuqet kryesisht në fytyrë dhe kraharor;
• Tendos muskujt; 
• Mbledh duart si grushta;
• Mund të fillojë të bërtasë;
• Mund të kërcënojë;
• Fillon të hedhë sende / të godasë murin;
• Përpiqet të ndëshkojë ata “që janë fajtorë”

2. Si të sillemi me një person agresiv?

Më poshtë janë disa situata që mund t’i përshtasni sipas nivelit të agresionit që përsoni ka, kështu mund të ndihmoni ato dhe mbroni veten.

Situata 1

• Thirrni personit me emër;
• Komunikoni me mirësjellje; 
• Gradualisht filloni të flisni pak më ngadalë dhe më qetë;
• Nëse kontakti vendoset, personi do të fillojë të përshtatet me ju dhe reagimi agresiv do të zbehet;

Situata 2 

• Jepni një personi një mundësi “të lëshojë avull”;
• Të rrahë jastëkun, të gris gazetën, të grumbullojë çarçafët;

Situata 3

• Nëse personi agresiv është i gatshëm t’ju dëgjojë, kërkojini atij t’ju tregojë se si ndihet, për çfarë është inatosur dhe me kë zemërohet;
• Sqaroni dhe konkretizoni se çfarë, sipas tij, duhet bërë në këtë situatë;
• Ofroni një zgjedhje midis dy opsioneve të arsyeshme: “A mendoni se do të ishte më mirë… apo…?;

Situata 4 

• Nëse agresioni është i tepruar dhe i pasigurt për të tjerët, kujtoni se mund të ketë pasoja. 
• Kujdesuni për sigurinë tuaj! Mos qëndroni kokë më kokë, nëse ekziston rreziku që agresioni t’ju drejtohet.
• Kërkoni ndihmë, por bëjeni sa më mirë që të jetë e mundur, në mënyrë që të mos provokoni një rritje të reagimit.

3. Nuk rekomandohet

Çfarë s’duhet të bëni në një moment agresioni:

• Të debatosh;
• Të argumentosh apo t’i dëshmosh personit se e ka gabim;
• Ta marrësh personalisht dhe të përfshihesh emocionalisht në situatën e nxehtë;
• Morali;
• Sharjet dhe ofendimet;

Kështu reagimi i agresionit nuk do të shuhet, përkundrazi, do të ndizet edhe më shumë.

4. Si të ndihmoni veten?

Nëse jeni ju ai/ajo që vuani nga agresioni dhe do donit ta trajtonit ndiqni hapat si më poshtë:

• Gjeni një mundësi për të qëndruar vetëm. Forconi muskuj të ndryshëm të trupit tuaj për 8-10 sekonda. Pastaj relaksoni. Përsëriteni disa herë.
• Shtrihuni në krevat pa jastëk, kështu frymëmarrja juaj do të ul ritmin dhe ju do arrini një qetësim të shpejtë. 
• Vraponi, bëni squat, shtyni një ngarkesë për të shfryrë tensionin dhe nervozizmin e mbjedhur brenda jush.
• Nëse ka mundësi, telefononi personin më të afërt që keni dhe flisni për ndjenja tuaja.

Konkluzion

Në situata të vështira njerëzit shfaqin reagime të ndryshme: 

• dikush qan;
• dikush kalon në histerizëm;
• me dikë ndodh mpirja;
• ose mund të ketë reagim zemërimi, tërbimi, agresioni dhe dhune të pakontrolluar.

Është e rëndësishme të kuptoni se një sjellje e tillë është një përgjigje ndaj rrethanave, jo ndaj jush! 

Në një situatë të tillë, është e rëndësishme:

• të mos lejoni që reagimi të përhapet te njerëzit e tjerë; 
• të mbroni të tjerët dhe veten tuaj nga veprimet agresive;
• të ndihmoni personin të përballojë cunamin që ka brenda;

Nëse situatat e agresionit janë një shqetësim i vazhdueshëm dhe i pamundur të vetë-menaxhohen, kërko ndihmë profesionale me psikolog.