Probleme me frymëmarrjen - Simptomë e zakontë ankthi

Probleme me frymëmarrjen (dispnea) nuk kanë vetëm ata me sëmundje të caktuara shëndetësore. Në fakt kjo simptomë e bën të dukshme ankthin tek një person. Shumë njerëz mendojnë se mund të kenë një problem fizik, kur kanë probleme me frymëmarrjen, duke anashkaluar atë psikologjike.

Ja çfarë duhet të dini për këtë simptomë:

Pse kemi probleme me frymëmarrjen?
Simptoma probleme me frymëmarrje
Si të shpëtoni nga problemet e frymëmarrjes

1. Pse kemi probleme me frymëmarrjen?

Ankthi është përgjigjja natyrale e trupit tuaj ndaj frikës. Kjo njihet si përgjigja e luftës për mbijetesë. Trupi juaj reagon në mënyra fizike dhe mendore për t’ju përgatitur që të luftoni ose të largoheni nga situata e rrezikut.

Keq-frymëmarrja është një nga ato përgjigje. Ju mund të ndiheni sikur nuk mund të merrni frymë, shtrëngim në gjoks, ose sikur jeni duke u mbytur. Studimet kanë treguar një lidhje të fortë midis ankthit dhe simptomave të frymëmarrjes, përfshirë gulçimin.

Kur jemi në një situatë ankthi, truri koncepton rrezik, rritet niveli i adrenalinës dhe si rrjedhojë shfaqen probleme me frymëmarrjen.

Nëse në një situate ku rreziku do të ishte i vërtetë (p.sh. përballë një kafshe të rrezikshme), trupi e konsumon energjnë e gumbulluar duke u larguar me vrap. Por kur jemi në ankth, kjo energji mbetet e pakonsumuar dhe shpenzohet në mënyra të pashëndetshme si mbi-mendmi negativ.

2. Simptoma probleme me frymëmarrje

Simptoma të tjera që mund të ndodhin gjatë kësaj përgjigje dhe si rezultat i ankthit përfshijnë:

Frymëmarrje më e shpejtë (hiperventilimi);
Shtrëngim gjoksi;
Gulçim ose një ndjenjë mbytjeje;
Ndjeheni sikur keni një gungë në fyt;
Tensioni i muskujve;
Palpitacione të zemrës (ndjehet si një rrahje zemre më e fortë dhe më e shpejtë);
Marramendje;
Nauze ose siklet në stomak;
Shqetësim dhe nervozizëm;

3. Si të shpëtoni nga problemet e frymëmarrjes

Kur jeni duke përjetuar probleme me frymëmarrjen nga një sulm ankthi, mund të duket kundërintuitive që frymëmarrja juaj është ajo në të cilën duhet të përqendroheni.

Por duke u përqëndruar në frymëmarrjen tuaj, ju mund ta merrni atë nën kontroll dhe sasinë e duhur të oksigjenit në mushkëritë tuaja.

Ekspertët rekomandojnë praktikimin e frymëmarrjes diafragmatike. Kjo është një lloj teknike e frymëmarrjes që përdor diafragmën tuaj. Diafragma është muskuli më efikas i frymëmarrjes që kemi.

Kur përjetoni probleme me frymëmarrjen, në përgjithësi merrni frymë nga goja.

Ja se si të praktikoni frymëmarrjen diafragmatike

Uluni të qetë në një karrige ose shtrihuni në një sipërfaqe të sheshtë, si shtrati juaj, me kokën të mbështetur.
Vendoseni njërën dorë në pjesën e sipërme të gjoksit dhe tjetrën poshtë kafazit tuaj të kraharorit. Kjo do t’ju lejojë të ndjeni më mirë diafragmën tuaj ndërsa merrni frymë.
Merrni frymë ngadalë përmes hundës.
Shtrëngoni muskujt e barkut.
Lërini të bien brenda ndërsa nxirrni përmes gojës.
Vazhdoni të merrni frymë thellë brenda dhe jashtë, duke ndier stomakun tuaj të ngrihet brenda dhe jashtë. Bëni këtë për 5 deri në 10 minuta në ditë.

Këshilla

Ka më pak të ngjarë të përjetoni gulçim ose hiperventilim gjatë frymëmarrjes dhe frymënxjerrjes përmes hundës.

Me më shumë praktikë, kjo teknikë e frymëmarrjes do të bëhet automatike dhe e lehtë.

Qetësimi i simptomave fizike si fillim do shpejtojë qetësimin e mendjes tuaj, duke e bër atë më racionale në të menduar.

Teknika e shtrëngimit të muskujve

Një lloj teknike përfshin shtrëngimin e pjesëve të trupit (muskujve) dhe lëshimin e tyre ngadalë. Përqendrohuni tërësisht në këto ndjesi.

Shpërqendrimet mendore

Gjeni diçka për të tërhequr mendjen tuaj nga paniku për t’ju ndihmuar të qetësoheni. Provoni të përshkruani gjërat përreth jush për të mbajtur fokusin tuaj në diçka tjetër.

Çfarë ngjyre është shtrati juaj?
Cila është struktura e banesës përballë?

Flisni me veten

Tani që e dini që këto simptoma janë pjesë e përgjigjes automatike të trupit tuaj, kujtojini vetes këtë.

Në momentin e panikut ose ankthit, thuajini vetes “Unë nuk mund të marr frymë sepse trupi im po përpiqet të marrë më shumë oksigjen” ose “Unë jam vlerësuar dhe zemra ime është mirë”. Duke folur me veten në mënyrë racionale mund t’ju nxjerrë nga ankthi.

Ushtrohuni

Mund të duket e çuditshme të stërviteni në mes të një sulmi ankthi, por një vrapim ose shpenzimi i një pjese të asaj energjie të grumbulluar në të vërtetë mund të funksionojë për ju.

Kujdesi për veten

Ju mund të praktikoni kujdesin për veten në mënyra të thjeshta:

Pini çaj bimor (por shmangni çajin me kafeinë, pasi mund të rrisë ankthin).
Ndizni qirinj me një aromë të këndshme.
Shkruani ndjenjat tuaja.
Ndizni pak muzikë qetësuese.

Tronditeni veten

Tronditja e sistemit tuaj duke e zhytur fytyrën në një tas me ujë akulli është në fakt një teknikë e rekomanduar nga terapistët për t’ju ndihmuar të nxirrni veten nga një spirale e të mbimenduarit.

Terapi profesionale

Për strategji afatgjata, konsideroni të shihni një profesionist të shëndetit mendor. Ata mund të vlerësojnë nevojat tuaja dhe të mësojnë mekanizmat tuaj të përballimit që do të funksionojnë për ju.

Ato mund t’ju ndihmojnë të përpunoni proceset negative të mendimit që ndodhin kur jeni duke përjetuar ankth, veçanërisht nëse ky ankth është i rëndë ose ju shkakton shqetësim të madh gjatë ditës.

Konkluzion

Edhe pse sulmet e panikut dhe ankthit mund të ndjehen të tmerrshme në atë moment, veçanërisht kur ndikohet frymëmarrja juaj, mbani në mend se një sulm paniku apo ankthi nuk është kërcënues për jetën.

Sidoqoftë, nivelet e larta kronike të stresit dhe ankthit mund të jenë shumë të dëmshme për shëndetin dhe mirëqenien tuaj të përgjithshme, kështu që jepni përparësi të kërkoni trajtimin e duhur për problemet tuaj me frymëmarrjen dhe simptomat e tjera.