Këshilla për ankthin – 7 Prej tyre që mund t’i përdorni

Disa këshilla për ankthin që mund t’i përdorni lehtësisht në rutinën tuaj ditore për të menaxhuar dhe ulur ankthin.

Ndërsa është e rëndësishme të konsultoheni me një profesionist të shëndetit mendor për udhëzime të personalizuara, këtu janë disa këshilla të përgjithshme që mund t’ju ndihmojnë të përballeni me ankthin:.

Më poshtë keni 7 këshilla për ankthin

1. Kafeina gjeneron ankth
2. Hidratimi ul ankthin
3. Dieta anti ankth
4. Teknika relaksimi kundër ankthit
5. Dekor dhe qetësues ankthi
6. Planifikoni argëtimin tuaj
7. Ndryshoni emocionet tuaja

1. Kafeina gjeneron ankth

Këshilla për ankthin më kryesore, është ulja e sasisë ose e zëvendësimit të kafesë me një tjetër element të shëndetshëm. Ky mund të jetë lajm i keq për dikë që vuan nga ankthi dhe pëlqen kafenë. Kafeina është një stimulues – e cila stimulon sistemin nervor duke shtuar ankthin.

Simptomat e shkaktuara nga kafeina përfshijnë:

• Nervozizëm;
• Shqetësim;
• Ritëm i shpejtë i zemrës;
• Probleme me gjumin;
• Probleme të tretjes;

Ndërkohë, nuk këshillohet as ndërprerja e menjëhershme e kafesë, pasi ju mund të vazhdoni të ndjeni:

• Ankth;
• Dhimbje koke;
• Humor depresiv;
• Lodhje;
• Vështirësi në përqëndrim;
• Nervozizëm;

Ndalimi i kafeinës në dietën tuaj duhet të vijë gradualisht. Ose ju mund të vazhdoni ta përdorni atë në në sasinë e duhur, të cilën mund ta përcakton mjeku juaj.

2. Hidratimi ul ankthin

Pirja e ujit neglizhohet dhe në këtë rast ndodh që t’i përkeqësojë simptomat e ankthit.  Gjaku përmban ujë, kështu që kur dehidratoheni, ai bëhet më i trashë. Sa më i trashë të jetë gjaku, aq më të vështirë e ka zemra të pulsojë dhe dërgojë gjakun në vena. Kështu zemra fillon të rrisë pulsin për të levizur “gjakun e trashë”.

Duke u rritur pulsi, frymëmarrja bëhet e shpejtë poashtu. Këto janë simptoma që vijnë nga ankthi. Në këtë rast është trupi jonë që prodhon simptoma ankthi dhe jo mendja jonë.  

Këshillat në këtë rast janë: 

• Nëse e ndjeni pulsin të ngrihet, merrni një gotë të madhe uji dhe pijeni ndërsa çlodheni;
• Eleminoni alkolin – dhe pse është lëng, bën efektin e dehidratimit;
• Eleminoni kafeinën;
• Eleminoni pijet energjike;

3. Dieta anti ankth

Disa studime sugjerojnë që ushqimi i duhur mund të ndihmojë në përmirësimin e simptomave të ankthit.

Më poshtë keni rënditjen e nëntë ushqimeve:

Arra Braziliane

Ato përmbajnë selen, të cilat ndihmojë në përmirësimin e gjendjes shpirtërore. Rekomandohen 3-4 të tilla në ditë. 

Peshk 

Salmoni, sardelet, trofta, janë të pasura me omega-3. Omega-3 është një acid yndyror që ka një lidhje të fortë me shëndetin mendor.

Veza

Vezët përmbajnë triptofan, i cili është një aminoacid që ndihmon në krijimin e serotoninës për të rregulluar gjendjen shpirtërore, gjumin, kujtesën dhe lehtëson ankthin.

Farat e kungullit

Farat e kungullit janë një burim i shkëlqyeshëm i kaliumit, i cili ndihmon në menaxhimin e presionit të gjakut, kështu mund të ndihmojë në uljen e simptomave të stresit dhe ankthit.

Çokollatë e zezë

Një studim i vitit 2014 zbuloi se 40g çokollatë e zezë në ditë, ndihmoi në zvogëlimin e stresit dhe simptomave të ankthit, nga përmbajtja e lartë e triptofanit që ka.

Shafran i Indisë

Përbërësi aktiv në shafranin e Indisë quhet kurkumin, që ndihmon në uljen e ankthit, tek personat me çregullime të humorit.

Kamomili

Shumë njerëz në mbarë botën përdorin çajin e kamomilit për shkak të vetive të tij anti-inflamatore, antibakteriale, antioksiduese dhe relaksuese.

Kosi

Një studim i vitit 2015 zbuloi se ushqimet e fermentuara që përmbajnë baktere të shëndetshme, zvogëluan ankthin dhe rritën lumturinë tek disa njerëz.

Çaji jeshil

Çaji jeshil përmban një aminoacid të quajtur theanine, i cili po vlerësohet për efektin përmirësues që ka tek çrregullimet e humorit. 

Hani një dietë të larmishme dhe të ekuilibruar me karbohidrate, yndyrna, vitamina dhe  proteina. Gjithashtu është provuar nga studimet se dietat e larta me ushqime të përpunuara mund të rrisin ankthin.

4. Teknikat relaksimi kundër ankthit

Bëni frymëmarrje të thella 

Frymëmarrja juaj është një mjet i fuqishëm për të lehtësuar simptomat e ankthit. Eshtë një ushtrim i thjeshtë që bën ndryshim të madh nëse e bëni pjesë të rregullt të rutinës tuaj.

1. Merrni frymë përmes hundës dhe ndërsa e bëni atë, numëroni deri në pesë.
2. Vendosni njërën dorë në bark, merrni frymë dhe ndjeni që barku ngrihet.
3. Vendoseni dorën tjetër në gjoks, numëroni deri në pesë ndërsa nxirrni frymën jashtë dhe ndjejeni barkun të ulet.

Bëni tre frymëmarrje të plota, të thella. 

Provo relaksimin e muskujve

1. Shtrihuni / uluni në një vend të rehatshëm për ju.
2. Merrni disa frymëmarrje të thella për t’u çlodhur.
3. Shtrëngoni muskujt e këmbëve tuaja.
4. Nxirrni frymën jashtë.
5. Lëshoni muskujt.

Më pas punoni njësoj me, barkun, gjoksin, gishtat, krahët, supet, qafën dhe fytyrën.

Meditoni kundër ankthit

Eshtë me e lehtë nga sa mendoni. Ndonjëherë ju e bëni atë dhe mund të mos e dini. Ajo që synon meditimi, është ta fokusojë mendjen tonë këtu dhe tani.

Mendime shqetësuese shpesh nuk na lënë të marrim kënaqësi dhe nga gjëra të vogla të së përditshmes sonë.

• Provoni të shijoni drekën tuaj nga fillimi deri në fund, pa menduar për diçka tjetër.
• Provoni të merrni kënaqësi nga ecja në natyrë.
• Sa arrini të shijoni hapat, aromën e pemëve apo erën që ju prek. Apo përhumbeni në kujtime?

Është e thjeshtë.

Mbaje mendjen në atë gjë që po bëni dhe nëse e bëni – ju po meditoni.

5. Dekor dhe qetësues ankthi

Llapat e kripës të Himalajave

Këto llampa kanë përbërje kristalesh prej kripe të marra nga Himalajat. Ato shërbejnë si dekorime të bukura të brendshme dhe veprojnë si burime natyrore të dritës.  Sidoqoftë, ato kanë shumë funksione përtej estetikës.

Kombinuar me një burim drite brenda llambave, copat e kripës prodhojnë jone negative, të cilat japin efekte pozitive në ajrin e brendshëm. 

Studimet tregojnë se jonet negative përmirësojnë nivelin e;

• Ankthit;
• Humorit;
• Stresit, etj;

Prandaj, nga llambat e kripës së Himalajës mund të përfitojnë njerëzit që vuajnë nga çrregullime të ankthit dhe çrregullime të tjera të humorit.

Aroma terapi

Blini:

• Vajra esencial;
• Qirinj aromatik;
• Aromatizues letre / të lengshëm;
• Temjan;

Mund t’i vendosni në dhomën e ndenjes, në ambientin tuaj të punës, në dhomën e studimit ose në dhomën tuaj të gjumit.

Përveçse do jenë një dekor i këndshëm, do ju relaksojnë kur të kthehni në shtëpi dhe rehatoheni në divanin tuaj. Është vërtetuar se aromat kanë një ndikim direkt qetësues dhe rregullues të gjendjes sonë shpirtërore.

Kristalet

Gurët kristalorë, mund të konsiderohen ndryshe si ilaç plotësues dhe alternative nga akupunktura, masazhet relaksuese deri tek joga. Ka një shumëllojshmëri gurësh të cilat kanë aftësitë e veta shëruese për mendjen dhe trupin. 

Historikisht, kristalet shëruese vlerësohen si forma të lashta të mjekësisë, me filozofi të huazuara nga hinduizmi dhe budizmi.

6. Planifikoni argëtimin tuaj

Njerëz të cilët kanë kaluar një histori të çregullimit të ankthit, kanë ndarë me studiuesit, aktivitetet që kanë bërë për të përballuar atë – të cilat mund t’ju shërbejnë.

Për të qenë e qartë, këto aktivitete nuk trajtojnë çrregullimet e ankthit, por ato mund të përdoren për të ndihmuar në qetësimin e simptomave të ankthit.

Ja disa këshilla për ankthin:

Bëni ushtrime ose vrap

“Kjo ju detyron të përqendroheni në një veprim fizik dhe do ta lodhin trupin tuaj deri në atë pikë sa të mos mendoni për mendime ankthioze,” tregon një pacient.

Përqendrohuni në frymëmarrje

Disa pacient e ndanë këtë taktikë. Frymëmarrja e ngadaltë dhe e thellë duket se funksionon më së miri.

Dëgjoni muzikë

Mund të jetë veçanërisht e dobishme gjatë natës kur përpiqeni të bini në gjumë. Muzika me bazë të “zhurmave të natyrës” shi, zgjurma e erës në pemë, cicërima zogjsh apo rrjedha e një lumi, ndihmon kryesisht në qetësim dhe përgatitje për gjumë.

Lexoni një roman

Nuk ka asgjë si një histori e mirë për t’ju ndihmuar të shpëtoni dhe të hiqni mendjen nga gjithçka tjetër që po ndodh.

Mardhënie dhe intimitet

Romanca, intimiteti, përfshirja emocionale dhe fizike, do ju lehtësojnë në gjendjen tuaj mendore.

Pastroni dhe organizoni shtëpinë tuaj

Përdorni energjinë për të bërë diçka të dobishme.

Kaloni kohë me kafshët

Merrni qenin tuaj për një shëtitje, përkëdhelni macen tuaj ose bëni punë vullnetare në një strehë kafshësh.

Dilni jashtë

Uluni nën një pemë, shkoni për një shëtitje, shkoni në plazh, ose shfrytëzoni çdo hapësirë ​​të bukur në natyrë që është afër jush.

Krijo

Thur me grep, qep, ose pikturo- gjithçka krijuese që kërkon vëmendjen tuaj të plotë do t’ju ndihmojë të ndiheni më mirë.

SPA

Bëni një dush me flluska dhe me vajra aromatik.

Merruni me kopshtari

Ka një ton arsyesh për të provuar kopshtarinë, jo më pak e rëndësishmja është të përjetosh qetësi.

Dilni me miq

Mos e neglizhoni argëtimin dhe bisedat me miqtë. Pak kohë nën shoqërinë e njerëzve që ju bëjnë të ndiheni mirë, është e nevojshme. Me siguri do të gjeni dhe mënyra të tjera që ju argëtojnë dhe relaksojnë.

7. Ndryshoni emocionet tuaja

Ndaloni dhe mendoni. Mundohuni të vini veten përball frikës suaj. Imagjinoni këto situata në qetësi. Rezultati duhet të jetë që ju të jeni më të qetë dhe më pak të shqetësuar pasi të jeni marrë me frikën tuaj.

Nëse nuk ia dilni vetë, ju duhet një ndihmë profesionale dhe e strukturuar për veçantitë e problemit që keni.

Ankthi është një ndjenjë shqetësimi, nervozizmi ose frike për diçka. Kjo do të thotë që kura duhet të nis aty ku ka fillesat problemi. Duhen identifikuar emocionet “e shtrembëruara”, bashkë me burimet përkatëse.

Psikoterapia është e dobishme në trajtimin e problemeve të ankthit. Lloji më i zakonshëm është terapia konjitive e sjelljes (CBT) dhe është një terapi që bazohet në lidhjen mendim-sjellje-emocion.

Gjatë terapisë do të mësoni: 

• Të ndryshoni mendimet që shkaktojnë ankthin tuaj;
• Mënyrën si të reagoni ndaj atyre situatave;
• Zakone të reja të shëndetshme;

Kjo përfundimisht ndryshon emocionet tuaja dhe ju liron nga simptomat e ankthit.

Konkluzion

Përdorni këto këshilla për ankthin, si hap i parë për ta lehtësuar. Nëse nuk keni patur rezultat, rekomaondohet të kërkoni një specialist, siç është psikologu. Ankthi prek 1 në çdo 5 të rritur. 

Të jetosh me ankth është rraskapitëse, pasi merr energji nga ty. Ti mund të ndihesh i/e vetmuar, frikësuar dhe bllokuar në një “ferr” të vogël. Por ka një lajmi të mirë. Ju mund ta mposhtni ankthin dhe të merrni përsëri kontrollin e jetës tuaj.

Mund të kapërceni çrregullimet e ankthit dhe panikut, një herë e përgjithmonë. Kontaktoni për një formë komode trajtimi psikologjik që ju lidh me psikolog për të zhvilluar seancat psikoterapie online.