Postimet E Fundit
Miqësia: 7 Cilësitë e një miqësie të shëndetshme
Miqësia është një term që përdoret për të treguar sjelljen bashkëpunuese dhe mbështetëse midis dy ose më shumë personave.
Shtatë elementët thelbësorë të miqësisë, sipas ekspertëve të miqësisë janë:
1. Reciprociteti
Çdo palë në një miqësi duhet të japë dhe të marrë. Shumë dhënie do provokojnë tek ju inat, ose duke marrë shumë, ju nuk po mbani ekuilibrin.
Në thelb, ju të dy duhet të pranoni marrëdhënien për shkak të përgjegjësisë që ajo përfshin.
Kjo gjithashtu do të thotë, të bini dakord se sa do të jepni dhe merrni secili nga ju. Një miqësi do të funksionojë më mirë nëse keni të njëjtën pikëpamje mbi miqësin. Njohja me skemën më të gjerë të miqësisë së dikujt, mund t’ju ndihmojë të shmangni të zhgënjeheni, ose të zhgënjeni.
2. Mbështetja
Momentet e vështira që kalojmë priren të ndajnë miqtë tanë më të afërt nga ata më pak të afërt për një arsye:
Thellësia e intimitetit kërkon që një mik të ketë mbështetjen tuaj, jo vetëm kur është e lehtë, por edhe kur është e dhimbshme ose e vështirë.
Të festosh me një mik pasi ata kanë një fëmijë është po aq jetësore sa edhe ngushëllimi i tyre për humbjen e punës.
Megjithëse ky dimension i mbështetjes ndryshon në spektrin e miqësisë. Jo çdo person që ju viziton në spital, do jetë një mik. Por ideja është se niveli i mbështetjes, energjia që derdhni në një marrëdhënie është e ndryshme nga një person tjetër.
Kjo është e lidhur edhe me idenë e reciprocitetit në një miqësi. Kjo do të thotë që ju jeni në gjendje të merrni parasysh jo vetëm nevojat tuaja, por edhe nevojat e mikut tuaj, në të gjitha skenarët.
P.sh. nëse shoku juaj nuk do të vinte në festën tuaj të ditëlindjes, sepse duhej të shkonte në spital, do të mund të kuptonit. Duke vepruar kështu, do të arrini në përfundimin se, në këtë rast, nevoja e tyre peshon më shumë se jotja, por, sigurisht, në një situatë tjetër, mund të jetë e kundërta.
3. Kufijtë
Vendosja e kufijve mund të tingëllojë si ngritja e një muri midis jush dhe një miku në vend që të lejojë rrjedhën e intimitetit.
Por në praktikë, kufijtë në fakt mund të ndihmojnë në skicimin e mënyrës se si do ta lundroni marrëdhënien tuaj në një mënyrë që merr parasysh nevojat, dëshirat dhe pritshmritë e njerëzve.
Vendosja e një kufiri me një mik mund të jetë aq e thjeshtë sa:
- të jesh i qartë se në cilat ditë të javës mund ose nuk mund të rrish me të;
- çfarë aktivitetesh të bëjnë të ndihesh jo mirë;
- çfarë ke nevojë prej tyre për t’u ndjerë e mbështetur dhe e dashur etj.
4. Afeksioni
Mund të tingëllojë e çuditshme, por në të vërtetë duhet ta pëlqesh një mik më shumë se një të huaj në mënyrë që miqësia të funksionojë.
Ju nuk duhet domosdoshmërisht t’i doni ata, por duhet t’i mbani në konsideratë pozitive dhe të veproni në një mënyrë që tregoni dashurinë tuaj. Në të kundërt, një nga tiparet më të zakonshme në marrëdhëniet toksike është që njëri ose të dy njerëzit të shkatërrojnë njëri tjetrin.
Një miqësi e shëndetshme është ajo që ju mbush me energji dhe pozitivitet më shpesh sesa t’ju harxhojë burimet tuaja emocionale. Shpesh, dikush mund të qëndrojë në një miqësi negative ose shterruese thjesht sepse ka qenë në të për një kohë të gjatë ose sepse mendon se s’ka alternativa të tjera.
Identifikimi i lidhjeve toksike shpesh është e vështirë të bëhet vetë dhe të folurit me një psikolog ndihmon të shkëputeni prej tyre.
Kur ju pëlqeni një mik, shpaloset një spirale pozitiviteti. Të tregosh një miku që të pëlqen, i bën ata më të prirur të ndihen të sigurt në marrëdhënie.
5. Lehtësia
Miqësia mund të lulëzojë vetëm kur të dy njerëzit në të ndihen rehat pranë njëri-tjetrit. Nëse ndiheni gjithmonë sikur duhet të jeni në alarm ose sikur po ecni mbi lëvozhgat e vezëve, nuk do të korrni përfitimet shëndetësore sociale të miqësisë së vërtetë.
Gjithashtu, miqësia është e pavlefshme nga çdo dinamikë pushteti. Nëse një person ka më shumë pushtet se tjetri, personi i dytë nuk mund të jetë kurrë i qetë, ose të ketë lirinë për të qenë vetvetja e tij autentike dhe të plotësohen nevojat e tyre.
6. Hapja
Kur ndajmë ngjarje private, zbulojmë ndjenjat personale dhe pranojmë mbështetje, ne ndërtojmë intimitet tek miqësia jonë.
Ky element i miqësisë është gjithashtu një tregues që ju keni një themel besimi në vend (i cili është i nevojshëm për në thelb çdo marrëdhënie) dhe një mënyrë për të nxitur edhe më shumë besim.
7. Parashikueshmëria
Përderisa miqësia mund të zbehet me kalimin e kohës, është e udhës të dimë si ta mbajmë atë të paprekur.
Me fjalë të tjera, duhet të ketë pritshmëri të nivelit të komunikimit dhe lidhjeve që do të keni me një mik, nëse dinamikat tona të jetës ndryshojnë. Për shembull, sa telefonata ose takime mund të bëjmë gjatë një muaji etj.
Kur kjo vendoset në një ritëm, lind edhe shumë besim. Një cikël pozitiv që përforcon vetveten.
Konkluzion
Miqësitë janë gjëra të gjalla që marrin frymë, ashtu si njerëzit që janë në to. Kjo do të thotë, ato mund të ndryshojnë me kalimin e kohës, duke u bërë më të forta ose më të dobëta për shkak të një numri faktorësh.
Nga ngjarjet e jetës personale si:
- lëvizja në një vend të ri;
- ndryshimi i punës;
- martesa etj.
Deri te ndryshime më të gjera në mënyrën se si ne priremi të ndërveprojmë, si rezultat i ndikimit në rritje të teknologjisë në marrëdhënie.
Por, edhe pse dinamika e marrëdhënieve zbehet, ka disa elementë thelbësorë të çdo miqësie të mirë, qofshin të afërt apo të largët, që priren të qëndrojnë konstante.
