Çrregullimet e personalitetit - Llojet, diagnoza, trajtimet

Çrregullimet e personalitetit janë lloje të çrregullimit mendor në të cilin personat kanë një model të ngurtë dhe jo të shëndetshëm të të menduarit, ndjerit, funksionimit dhe sjelljes. Një person me një çrregullim të personalitetit ka probleme të perceptojë dhe të lidhet me situatat dhe njerëzit.

Më poshtë gjeni të rënditura temat që do trajtohen në këtë artikull në lidhje me këtë:

Termi çrregullim personaliteti
Cilat janë llojet e çrregullimeve të personalitetit?
Si diagnostikohesh me çrregullim personaliteti?
Çrregullimi i personalitetit paranojak
Çrregullimi skizoid i personalitetit
Çrregullimi skizotipal i personalitetit
Çrregullimi antisocial i personalitetit
Çrregullimi i personalitetit kufitar
Çrregullimi historik i personalitetit
Çrregullimi i personalitetit narcisist
Çrregullimi i personalitetit shmangës
Çrregullimi i personalitetit i varur
Çrregullimi i personalitetit obsesiv kompulsiv
Çrregullimi i personalitetit i paklasifikuar
Trajtimi për çrregullimet e personalitetit

1. Termi çrregullim personaliteti

Ky term, siç e shpreh dhe emertimi, ka të bëjë me diçka që nuk funsionon mirë. Personalitete të ndryshme reagojnë në mënyra të ndryshme ndaj ambientit për shkak se secili nga këto çrregullime ka stilin e vet të përpunimit të informacionit njohës nga mjedisi.

Shumë autorë i përkufizojnë çrregullimet e personalitetit si stile të qëndrueshme të sjelljeve, veprimeve apo qëndrimeve që ndikojnë mënyrën tonë të të menduarit, shprehjes së ndjenjave dhe sjllejeve.

Njerëzit me çrregullime personaliteti zakonisht përdorin disa mekanizma mbrojtës të pashëndetshme si:

Zhvendosja;
Eksternalizimi;
Disocijimi ose shkëputja;
Shtypja ose represioni;
Formimi i reagimit etj.

Këto mbrojtje, përdoren masivisht nga personat e diagnostikuar me çrregullime të rënda të personalitetit.
Çrregullimet e personalitetit ndryshojnë nga personalitetet normale per nga masa e devijimit që bën nga masa e përgjithshme e popullsisë.

2. Cilat janë llojet e çrregullimeve të personalitetit?

Aktualisht psikologët dhe psikiatrit priren të përdorin një sistem diagnostikimi që identifikon dhjetë lloje të çrregullimeve të personalitetit.

Këto janë grupuar në tre kategori.

Të dyshimtë:

Çrregullimi i personalitetit paranojak
Çrregullimi skizoid i personalitetit
Çrregullimi skizotipal i personalitetit

Emocional dhe impulsiv:

Çrregullimi antisocial i personalitetit
Çrregullimi i personalitetit kufitar
Çrregullimi historik i personalitetit
Çrregullimi i personalitetit narcisist

Të shqetësuar:

Çrregullimi i personalitetit shmangës
Çrregullimi i personalitetit i varur
Çrregullimi i personalitetit obsesiv kompulsiv

3. Si diagnostikohesh me çrregullim personaliteti?

Çdo çrregullim i personalitetit ka grupin e vet të kritereve diagnostike. Për të marrë një diagnozë specifike duhet të plotësohen disa kritere.

Shuma minimale që duhet të plotësohen është e ndryshme për lloje të ndryshme, por gjithmonë duhet të jetë më shumë se dy kritere.

Kriteri i parë: manifestohet në dy ose më shumë nga fushat e mëposhtme:

Konjicion (aftësia njohëse);
Në shprehjen e emocioneve (afeksion);
Funkionim intrapersonal (bashkeveprim me të tjerët);
Kontrrollimin e impulseve;

Kriteri i dytë: shkakton një dëmtim ose ankth klinik.

Kriteri i tretë: modeli jofunksional pasqyrohet në disa situata si sociale apo personale.

Kriteri i katërt: kohëzgjatja e modelit jofunksional duhet të ketë filluar që në fëmijëri apo adoleshencë.

Kriteri i pestë: nuk duhet të jetë manifestim i një crregullimi tjetër.

Kriteri i gjashtë: nuk duhet të jetë pasojë e përdorimit të substancave apo sëmundje të tjera (p.sh. dëmtim koke).

Fillimisht duhen plotësuar disa nga këto kritere të përgjithshme, më pas ato specifike të një crregullimi personalitetit, Nëse plotësohen kritere për më shumë se një lloj çregullimi, ky mund të quhet çrregullim i përzier i personalitetit. Është gjithashtu e mundur të bëhet një diagnozë pa përmbushur kriteret e plota për një lloj specifik.

Një gamë e gjerë e njerëzve mund të marrin të njëjtën diagnozë, pavarësisht se kanë personalitete dhe përvoja të ndryshme individuale. Përvoja juaj e të jetuarit me një çrregullim të personalitetit do të jetë unike për ju.

Më poshtë kemi ndarë kritere për çdo çrregullim të personaliteti.

Kujdes: Këto informacione nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

4. Çrregullimi i personalitetit paranojak

Personaliteti paranoid ka si tipar të përgjithshëm mbizotërues dyshimin dhe mosbesimin ndaj të tjerëve.

Mendimet, ndjenjat dhe përvojat e lidhura me paranojë mund të bëjnë të:

Kenë të vështirë t’u besojnë njerëzve, madje edhe miqve apo familjes;
Kanë besime se do të tjerët do t’i përdorin ose do të përfitojnë prej tyre;
Kanë vështirësi në relaksim;
Shfaqin dyshime dhe supozime pa bazë sikur të tjerët po i shfrytëzojnë, dëmtojnë, tradhëtojnë apo mashtrojnë;
Janë të gatshëm t’i braktisin të tjerët për shkak të frikës se pajustifikuar se mos ndonjë informacion mund të përdoret me keqdashje kundër tij;
Vënë re kërcënime dhe rreziqe (që të tjerët nuk i shohin) në situata të përditshme,(p.sh. shikime të rastësishme nga të tjerët).
Shfaqin armiqësi lehtësisht dhe nuk harron fyrjet, lëndimet apo poshtërimet;

Ky mund të bëhet një problem kaq i madh në jetën tuaj sa t’ju jepet një diagnozë e çrregullimit të personalitetit paranojak.

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

5. Çrregullimi skizoid i personalitetit

Personaliteti skizoid ka si tipar themelor indiferencën sociale.

Shumë njerëz me çrregullime të personalitetit skizoid janë në gjendje të funksionojnë mjaft mirë. Ndryshe nga skizofrenia ose çrregullimi skizoefektiv, zakonisht nuk ka simptoma psikotike si haluçinacione apo deluzione.

Sidoqoftë, si rezultat i mendimeve dhe ndjenjave të lidhura me këtë diagnozë mund të:

Gjejnë vështirësi në krijimin e marrëdhënieve të ngushta me njerëzit e tjerë;
Mosdëshirë dhe moskënaqësi nga marrdhëniet e ngushta, përfshirë këtu edhe marrdhëniet e ngushta familjare;
Zgjidhin të jetojnë jetën pa ndërhyrje nga të tjerët;
Preferojnë të jenë vetëm me mendimet dhe veprimtaritë e tyre personale;
Nuk përjetojnë kënaqësi nga shumë aktivitete;
Kanë pak interes për seks ose intimitet;
Janë të ftohtë emocionalisht ndaj të tjerëve;
Shfaqin indiferencë të dukshme si ndaj lëvdatave dhe ndaj kritikave që mund t’u bëjnë të tjerët;

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

6. Çrregullimi skizotipal i personalitetit

Personaliteti skizotipal ka si tipar mbizotërues ekscentrizimin (i referohet një personi me mendime të pazakonta dhe sjellje të çuditshme).

Gjithkush ka ekscentricitetet e veta. Por nëse modelet tuaja të të menduarit dhe të sjellurit e bëjnë shumë të vështirë lidhjen me të tjerët, ju mund të merrni një diagnozë të çrregullimit të personalitetit skizotip.

Ndryshe nga skizofrenia, zakonisht nuk përjetojnë psikozë. Sidoqoftë, mund të:

Kenë të menduar dhe të folur të çuditshëm;
Kenë vështirësi në krijimin e marrëdhënieve të ngushta;
Mendojnë dhe shprehin veten në mënyra që të tjerët i gjejnë “të çuditshme”, duke përdorur fjalë ose fraza të pazakonta;
Besojnë se mund të lexojnë mendje ose se kanë fuqi të veçanta të tilla si ‘shqisa e gjashtë’ apo të menduarit magjik.
Ndihen të shqetësuar dhe të tensionuar me të tjerët që nuk i ndajnë këto bindje;
Ndihen shumë të shqetësuar, mosbesues dhe paranojak në situata shoqërore;
Kanë sjellje dhe paraqitje të çuditshme;
Ankth i tepruar social;
Afekt i papërshtatshëm dhe afekt i kufizuar;

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

7. Çrregullimi antisocial i personalitetit

Personaliteti antisocial karakterizohet nga vrazhdësia dhe mospajtimi i vazhdueshëm me normat sociale.

Është e natyrshme që ndonjëherë të vendosim nevojat tona, kënaqësinë ose përfitimet personale para të të tjerëve.

Sidoqoftë, nëse këto veprime ndodhin shumë shpesh dhe ju luftoni për të mbajtur stabilitetin në jetën tuaj, ose rregullisht veproni në mënyrë impulsive nga zemërimi ose mungesa e vëmendjes për të tjerët, kjo mund të çojë në një diagnozë të çrregullimit të personalitetit antisocial.

Simptomant janë:

Dërgojnë veten në situata të rrezikshme, shpesh pa menduar për pasojat për veten ose njerëzit e tjerë;
Përfshihen në sjellje të rrezikshme dhe ilegale (mund të keni dënim penal);
Sillen në mënyra që nuk janë të pranueshme për të tjerët;
Mërziten shpejtë dhe veprojnë sipas impulsit;
Sillen në mënyrë agresive dhe konfliktohen lehtë;
Bëjnë gjëra edhe pse mund të dëmtojnë njerëzit – për të marrë atë që dëshirojnë, duke i vendosur nevojat dhe dëshirat e tyre mbi njerëzit e tjerë;
Kanë probleme me ndjeshmërinë – për shembull, nuk ndjejnë ose tregojnë ndonjë ndjenjë faji nëse kanë keqtrajtuar të tjerët;
Kanë patur një diagnozë të çrregullimit të sjelljes para moshës 15 vjeç;

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

8. Çrregullimi i personalitetit kufitar

Personaliteti borderline ose kufitar ka si tipar dallues mungesën e stabilitetit.

Çrregullimi i personalitetit kufitar (BPD) njihet gjithashtu si çrregullim emocionalisht i paqëndrueshëm i personalitetit (EUPD). Të gjithë mund të përjetojmë vështirësi me marrëdhëniet, imazhin e vetes dhe emocionet e tyre.

Por mund të meret një diagnozë të BPD / EUPD nëse këto ndihen vazhdimisht të paqëndrueshme ose intensive dhe shkaktojnë probleme të rëndësishme në jetën e përditshme.

Mund të:

Ndihen shumë të shqetësuar për njerëzit që i braktisin, ose bëjnë gjithçka për të ndaluar që të ndodhë largimi;
Përpjekje të furishme për të shmangur braktisjen e vërtetë ose të imagjinuar;
Marrdhënie interpersonale intensive dhe të paqëndrueshme;
Kanë emocione shumë intensive që mund të ndryshojnë shpejt (për shembull, nga ndjenjat shumë të lumtura dhe e sigurta në mëngjes në të trishtuar pasdite);
Kanë shqetësim mbi identitetin e tyre, se kush janë ose çfarë dëshironë nga jeta dhe idetë për këtë ndryshojnë ndjeshëm në varësi të asaj se si ndihen;
E kanë shumë të vështirë të krijojnë dhe mbajnë marrëdhënie ose miqësi të qëndrueshme;
Veprojnë në mënyrë impulsive dhe bëjnë gjëra që mund t’i dëmtojnë (të tilla si ngrënia e tepërt, përdorimi i drogës ose ngasja makinës e rrezikshme)
Kanë mendime për vetëvrasje;
Vetëlëndohen;
Ndihen bosh dhe të vetmuar shumë kohë;
Zemërohen shumë dhe luftojnë për të kontrolluar zemërimin;
Ndjejnë shumë vështirësi për t’u besuar njerëzve të tjerë;
Përjetojnë probleme të tjera të shëndetit mendor krahas BPD, duke përfshirë ankthin, depresionin, problemet e ngrënies dhe çrregullimin e stresit post-traumatik.

Kur janë shumë të stresuar, ndonjëherë mund të:

Ndihen paranojak;
Me përvoja psikotike, të tilla si shikimi ose dëgjimi i gjërave që njerëzit e tjerë nuk i shikojnë apo dëgjojnë;
Mund të mos i mbajnë mend gjërat shumë mirë pasi të kenë ndodhur;

Aktualisht BPD është çrregullimi i personalitetit më i diagnostikuar.

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

9. Çrregullimi histrionik i personalitetit

Personaliteti histrionik ka si tipar themelor, nevojën për të qenë në qendër të vëmendjes.

Përshkruhet si çrregullim prej më shumë se 2000 vitesh në shkrimet e Hipokratit, në formën e histerisë tek grate. Historikisht termi histeri ka qënë përdorur për të përshkruar gratë me një numër vështirësish dhe problemesh emocionale.

Kërkesa e tepruar për vëmendje, ose kërkesa për aprovim aq shumë sa që kjo ndikon në jetën tuaj të përditshme, mund të bëjë që të merrni një diagnozë të çrregullimit të personalitetit histrionik.

Simptomat e këtij çrregullimi janë si më poshtë::

Ndihen shumë keq nëse nuk janë në qendër të vëmendjes;
Mendojnë se duhet të argëtojnë njerëzit;
Vazhdimisht kërkojnë ose ndjehen të varur nga miratimi i të tjerëve;
Mernin vendime të nxituara;
Flirtojnë ose sillen / vishen në mënyrë provokuese për të siguruar vëmendjen;
Janë dramatik;
Ndikohen lehtësisht nga të tjerët;

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

10. Çrregullimi i personalitetit narcisist

Personaliteti narcistik karakterizohet nga një egoizëm i shprehur.

Përshkruhet si një model ku individi me këtë çrregullim karakterizohet nga një ndjenjë e ekzagjëruar mbi rëndësinë që i jep vetvetes, qëndrimeve dhe sjelljeve arrogante.

Këto cilësi qëndrore, shpesh pegojnë njohjen e nevojave, ndjenjave apo aftësive të të tjerëve.

Individët më këtë çrregullim mund të:

Besojnë se ka arsye të veçanta që i bëjnë të ndryshëm, më të mirë ose më me fat se të tjerët;
Kenë vetëvlerësim të brishtë, mbështeten te të tjerët për të njohur vlerën dhe nevojat e tyre;
Ndihen të mërzitur nëse të tjerët i injorojnë dhe nuk u japin atë që mendojnë se meritojnë;
I urrejnë sukseset e njerëzve të tjerë;
Vendosin nevojat e vetes mbi të tjerët dhe kërkojnë që edhe ata të bëjnë këtë;
Janë egoist dhe shpërfillës ose të pavetëdijshëm për nevojat e njerëzve të tjerë;

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

11. Çrregullimi i personalitetit shmangës

Personaliteti shmangës ose i shqetësuar karakterizohet nga frenimi dhe shmangia nga aktivitetet sociale.

Të gjithë kemi gjëra, vende ose njerëz që nuk na pëlqejnë, ose që na shqetësojnë. Por nëse këto gjëra shkaktojnë aq shumë ankth sa që personi lufton për të mbajtur marrëdhënie, mund të merret një diagnozë e çrregullimit të personalitetit shmangës.

Në këto raste simptomat e këtij çrregullimi janë:

Shmangin punën ose aktivitetet shoqërore me të tjerët;
Janë shumë të ndjeshëm ndaj kritikave;
Shqetësohen vazhdimisht se mos refuzohen;
Shqetësohen dhe kanë frikë se mos tallen ose turpërohen nga të tjerët;
Shmangin marrëdhëniet, miqësitë dhe intimitetin sepse kanë frikë nga refuzimi;
Ndjehen të vetmuar, të izoluar, dhe inferiorë ndaj të tjerëve;
Hezitojnë të provojnë aktivitete të reja se mos turpërojnë veten;
Kanë vetërespekt dhe vetëvleresim të ulët;

Këto persona kanë predispozita të vuajnë dhe nga ankthi social, çrregullime të humorit apo çrregullime të ngrënies.

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

12. Çrregullimi i personalitetit i varur

Personaliteti i varur karakterizohet nga tendenca e varësisë së shprehur dhe e nënshtrimit ndaj të tjerëve.

Mendohet se ky çrregullim mund të ketë zanafillën në mos kalimin me sukses të stadit oral të sipas Frojdit.

Nevoja e sëmurë për të marrë përkujdesje të vazhdueshme nga të tjerët, çon në një sjellje të nënshtruar dhe të varur nga të tjerët, e cila shoqërohet me frikën e ndarjes. Ky çrregullim fillon në moshën e pjekurisë së hershme zakonisht.

Për t’u diagnostikuar me këtë çrregullim duhet të plotësohen pesë ose më shumë nga shenjat e mëposhtme:

Vështirësi në marrjen e vendimeve të përditshme dhe nevojë për këshillim apo ri-sigurim nga të tjerët;
Nevojë që të tjerët të marrin përgjegjësi për shumicën e fushave kryesore të jetës;
Vështirësi për të filluar një veprimtari apo projekt në jetën e tyre;
Preokupim irreal se mos mbetet vetëm dhe pa përkrahje;
Vështirësi për të dalë kundër një mendimi që për ju nuk është i drejtë, vetëm që të mos humbni mbështetjen e dikujt;
Kanë vetëbesim të ulët;
Shikojnë njerëzit e tjerë si shumë më të aftë se vetja;
Ekzagjërim i sjelleve (ndonjëherë të pakëndshme) ndaj dikujt vetëm që të sigurojë mbështetje;
Preokupim dhe ngut për të gjetur një lidhje tjetër që zëvendëson rastin e humbur;

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

13. Çrregullimi i personalitetit obsesiv kompulsiv

Personaliteti obsesiv kompulsiv karakterizohet nga një stil perfeksionist i qëndrueshëm dhe nga nivele të larta ankthi.

Çrregullimi i personalitetit obsesiv kompulsiv (OCPD), është i ndarë nga çrregullimi obsesiv kompulsiv (OCD), i cili përshkruan një formë të sjelljes sesa një lloj personaliteti.

Sidoqoftë, në mënyrë të ngjashme me OCD, OCPD përfshin probleme me perfeksionizmin, nevojën për kontroll dhe vështirësi të konsiderueshme për të qenë fleksibël në mënyrën se si i mendojnë gjërat.

Freud e interpreton ngecjen në stadin anal si fillesën e këtij çrregullimi me frazat tip i rregullt, kokëfortë dhe dorështrënguar.

Simptomat janë këto:

Ndjnenja e fortë për t’i mbajtur gjërat në rregull dhe nën kontroll;
Vendosin standarde të larta jorealiste për veten dhe të tjerët;
Mendojnë se e mënyra e tyre është mënyra më e mirë për t’i bërë gjërat;
Shqetësohen se mos ata vetë apo të tjerët bëjnë gabime;
Ndihen shumë të shqetësuar nëse gjërat nuk janë perfekte;
Vëmendje e tepruar ndaj detajeve;
Parapëlejnë ndjekjen me përpikëmëri të disa rutinave dhe regjimeve fikse ditore në mënyrë të përsosur;

Kujdes: Këto shenja nuk shërbejnë që ju të bëni diagnozë të vetes apo të dikujt që njihni. Diagnoza ose vlerësimi psikologjik bëhet vetëm nga një mjek ose psikolog.

14. Çrregullimi i personalitetit i paklasifikuar

Gjithkush është unik dhe sillet në mënyra unike, prandaj është e natyrshme që dikush të mos përshtatet në kategoritë e përshkruara më sipër.

Nëse përjetoni disa tipare të çrregullimit të personalitetit, por jo të mjaftueshme për të përmbushur plotësisht kriteret e një lloji specifik, mund të merrni një diagnozë të çrregullimit të personalitetit të paklasifikuar (PD-NOS).

Kjo diagnozë mund të njihet gjithashtu si tipar i çrregullimit të personalitetit të përzier.

15. Trajtimi për çrregullimet e personalitetit

Trajtimi për çregullimet e personalitetit

Lloje të caktuara të psikoterapisë janë efektive për trajtimin e çrregullimeve të personalitetit.

Gjatë psikoterapisë, një individ mund të fitojë ndërgjegjësim dhe njohuri në lidhje me çrregullimin dhe atë që po kontribuon në simptomat e tij, si dhe mund të flasë për mendimet, ndjenjat dhe sjelljet.

Psikoterapia mund të ndihmojë një person të kuptojë efektet e sjelljes së tij tek të tjerët dhe të mësojë për të menaxhuar ose përballuar simptomat dhe për të zvogëluar sjelljet që shkaktojnë probleme me funksionimin dhe marrëdhëniet.

Lloji i trajtimit do të varet nga çrregullimi specifik i personalitetit, sa i rëndë është dhe rrethanat e individit.

Llojet e përdorura zakonisht të psikoterapisë përfshijnë:

Terapia psikoanalitike / psikodinamike
Terapia e sjelljes dialektike
Terapia e sjelljes dhe njohëse (CBT)
Terapia në grup
Psikoedukimi (mësimi i individit dhe anëtarëve të familjes në lidhje me shqetësimin, trajtimin dhe mënyrat e përballimit)

Nuk ka ilaçe posaçërisht për të trajtuar çrregullimet e personalitetit. Sidoqoftë, ilaçet, të tilla si ato kundër depresionit, kundër ankthit ose ilaçet stabilizuese të humorit, mund të jenë të dobishme në trajtimin e disa simptomave.

Simptoma më të rënda ose afatgjata mund të kërkojnë një qasje ekipore që përfshin një mjek të kujdesit parësor, një psikiatër, një psikolog, punonjës social dhe anëtarët e familjes.

Strategji të vetë-kujdesit

Përveç pjesëmarrjes aktive në një plan trajtimi, disa strategji të vetë-kujdesit dhe përballimit mund të jenë të dobishme për njerëzit me çrregullime të personalitetit.

Ndërgjegjësimi. Njohja dhe të kuptuarit mund të ndihmojnë në fuqizimin dhe motivimin.
Aktiviteti fizik dhe ushtrimet mund të ndihmojnë në menaxhimin e shumë simptomave, të tilla si depresioni, stresi dhe ankthi.
Shmangja e alkoolit, pasi alkooli mund të përkeqësojë simptomat.
Merrja e kujdesit mjekësor rutinë. Pra mos neglizhohen kontrollet ose kujdesin e rregullt nga mjeku juaj i familjes.
Terapi me psikolog. Ndiq një terapi individuale dhe në grup.
Ditar. Shkruani në një ditar për të shprehur emocionet tuaja.
Apliko teknika relaksimi. Provoni teknikat e relaksimit dhe menaxhimit të stresit të tilla si joga dhe meditimi.
Socializohuni. Qëndroni të lidhur me familjen dhe miqtë, shmangni izolimin.

Përmbledhje

Çrregullimet e personalitetit janë një grup i sëmundjeve mendore. Ato përfshijnë modele afatgjata të mendimeve dhe sjelljeve që janë jo të shëndetshme dhe jo fleksibile. Sjelljet shkaktojnë probleme serioze me marrëdhëniet dhe punën, njerëzit përreth dhe veten.

Njerëzit me çrregullime të personalitetit kanë probleme në trajtimin e streseve dhe problemeve të përditshme. Ata shpesh kanë marrëdhënie të pashëndetshme me njerëz të tjerë.

Shkaku i çrregullimeve të personalitetit nuk dihet. Sidoqoftë, gjenet dhe përvojat e fëmijërisë mund të luajnë një rol kryesor. Simptomat e secilit çrregullim të personalitetit janë të ndryshme. Ato mund të jenë të lehta ose të rënda. Njerëzit me çrregullime të personalitetit mund të kenë probleme të kuptojnë se kanë një problem.

Për ta, mendimet e tyre janë normale dhe ata shpesh fajësojnë të tjerët për problemet e tyre. Ata mund të përpiqen të marrin ndihmë për shkak të problemeve të tyre me marrëdhëniet dhe punën.

Trajtimi zakonisht përfshin terapi me psikolog dhe shpesh medikamente të rekomanduara nga mjeku psikiatër.

Ekzistojnë 10 lloje specifike të çrregullimeve të personalitetit. Çrregullimet e personalitetit janë modele afatgjata të sjelljes dhe përvojave të brendshme që ndryshojnë dukshëm nga një njeri në tjetrin.

Anëtarët e familjes mund të jenë të rëndësishëm në trajtimin e një individi. Të kesh një anëtar të familjes me një çrregullim të personalitetit mund të jetë gjithashtu shqetësues dhe stresues për të gjithë famijlen.

Anëtarët e familjes mund të përfitojnë nga konsulta me një psikolog i cili mund të sigurojë ndihmë për të përballuar vështirësitë që ato hasin dhe të zbulojnë mënyra se si mund të ndihmojnë më mirë familjarin e tyre.