Stresi në shtatzani – Shkaqet, llojet dhe si ta reduktoni

Njëfarë stresi në shtatzani është normal, ashtu siç është gjatë periudhave të tjera të jetës. Por nëse stresi bëhet konstant, efektet mund të jenë të qëndrueshme.

Lexoni më shumë për:

1. Çfarë e shkakton stresin në shtatzani?
2. Cilat janë disa lloje serioze stresi në shtatzani?
3. Si stresi në shtatzani shkakton probleme?
4. Si mund ta reduktoni stresin gjatë shtatzanisë?

1. Çfarë e shkakton stresin në shtatzani?

Shkaqet e stresit janë të ndryshme për çdo grua, por këtu janë disa shkaqe të zakonshme gjatë shtatzanisë:

• Mund të përballeni me shqetësimet e shtatzanisë, si nauze, kapsllëk, të qenit e lodhur ose dhimbje shpine.
• Hormonet tuaja po ndryshojnë, gjë që mund të bëjë që humori juaj të ndryshojë. Ndryshimet e humorit mund ta bëjnë më të vështirë trajtimin e stresit.
• Ju mund të shqetësoheni se si do të kujdeseni për fëmijën tuaj.
• Nëse punoni, mund t’ju duhet të menaxhoni përgjegjësitë e punës dhe të përgatisni punëdhënësin tuaj për pushimin.

2. Cilat janë disa lloje serioze stresi në shtatzani?

Llojet serioze të stresit gjatë shtatzanisë mund të rrisin shanset për probleme të caktuara, si lindja e parakohshme. Megjithatë shumica e grave që kanë stres serioz gjatë shtatzanisë, sërish mund të kenë fëmijë të shëndetshëm. 

Por merrni parasysh nëse përjetoni lloje të rënda stresi, si:

• Ngjarjet negative të jetës si divorci, sëmundje e rëndë ose vdekja në familje, ose humbja e një pune ose shtëpie.
• Ngjarje katastrofike. Këto janë gjëra të tilla si tërmetet, uraganet ose sulmet terroriste.
• Stresi kronik. Ky lloj stresi mund të shkaktohet nga problemet financiare, dhuna, problemet serioze shëndetësore ose depresioni. 
• Stresi i lidhur me shtatzaninë. Disa gra mund mund të jenë të shqetësuar për abortin spontan, shëndetin e foshnjës së tyre ose për mënyrën se si do ta përballojnë lindjen.

3. Si stresi në shtatzani shkakton probleme?

Ne nuk i kuptojmë plotësisht efektet e stresit në shtatzani. Por disa hormone të lidhura me stresin (kortizoli) mund të luan një rol në shkaktimin e disa komplikimeve të shtatzanisë. 

Stresi serioz ose afatgjatë mund të ndikojë në sistemin tuaj imunitar, i cili ju mbron nga infeksioni. Kjo mund të rrisë shanset për të marrë një infeksion të mitrës. Ky lloj infeksioni mund të shkaktojë lindje të parakohshme.

Stresi gjithashtu mund të ndikojë në mënyrën se si reagoni ndaj situatave të caktuara. Disa gra përballen me stresin duke pirë cigare, duke pirë alkool ose duke marrë drogë, gjë që mund të çojë në probleme shtatzanie.

A mundet që nivelet e larta të stresit gjatë shtatzanisë ta dëmtojnë fëmijën tuaj më vonë në jetë?

Disa studime tregojnë se nivelet e larta të stresit në shtatzani të ndikojë gjithashtu në zhvillimin e trurit ose sistemin imunitar të fëmijës suaj.

4. Si mund ta reduktoni stresin gjatë shtatzanisë?

Këtu janë disa mënyra për të reduktuar stresin:

• Kuptoni se çfarë ju bën të stresuar dhe flisni me partnerin, miq ose me mjekun ose psikologun tuaj;
• Mbani parasysh se shqetësimet e shtatzanisë janë vetëm të përkohshme. Pyesni mjekun tuaj se si t’i trajtoni këto shqetësime.
• Hani ushqime të shëndetshme, flini shumë dhe bëni ushtrime që ju rekomandohen nga mjeku. Ushtrimi mund të ndihmojë në menaxhimin e stresit dhe në parandalimin e shqetësimeve të shtatzanisë.
• Reduktoni aktivitetet që nuk keni nevojë të bëni.
• Kërkoni ndihmë nga njerëzit që ju besoni. Pranoni ndihmën kur ata ofrojnë. Për shembull, mund t’ju duhet ndihmë për pastrimin e shtëpisë, ose mund të dëshironi që dikush të vijë me ju në vizitat tuaja para lindjes.
• Provoni aktivitete relaksimi, si joga para lindjes ose meditimi.
• Bëni një kurs edukimi për lindjen e fëmijëve, në mënyrë që të dini se çfarë të prisni gjatë shtatzanisë dhe kur të vijë fëmija juaj. 
• Praktikoni teknikat e frymëmarrjes dhe relaksimit.
• Nëse jeni duke punuar, planifikoni përpara të përgatiteni për kohën tuaj larg punës me punëdhenësin.
• Nëse mendoni se nuk mund ta përballoni ose menaxhoni ngarkesën emicionale që ndjei provomi terapi online nga shëtëpia. 

Konkluzion

Shtatzania është një kohë e shumë ndryshimeve. Trupi juaj, emocionet tuaja dhe jeta e familjes tuaj po ndryshojnë. Ju mund t’i mirëprisni këto ndryshime, por ato mund të shtojnë strese të reja në jetën tuaj.

Ndjenja e stresit është e zakonshme gjatë shtatzanisë. Por stresi i tepërt mund t’ju bëjë të mos ndiheni rehat. Stresi mund t’ju bëjë të keni probleme me gjumin, të keni dhimbje koke, të humbni oreksin ose të hani tepër.

Kur jeni shtatzanë, ky lloj stresi mund të rrisë shanset për të pasur një fëmijë të parakohshëm (të lindur para javës së 37-të të shtatzanisë) ose një fëmijë me peshë të ulët lindjeje (me peshë më pak se 5½ kilogramë). 

Për këtë është e nevojshme që stresi të trajtohet dhe menaxhohet në rastin më të mirë me trajtim profesional psikologjik, kur shikohet se ngarkesa emocionale e stresit nuk mund të menaxhohet vetë.