Simptomat e shtatzanisë: 12 Prej tyre

A i dini simptomat e shtatzanisë? Nga të përzierat tek lodhja.

A mund të jeni shtatzënë? Përgjigjja është në testin e shtatzënisë. Por edhe para se të dyshoni, ose shpresoni, se jeni shtatzënë, janë simptomat e shtatzanisë që mund t’ju japin alarmin.

Njihuni me shenjat dhe simptomat e para të shtatzanisë dhe pse ndodhin ato.

Shenjat dhe simptomat klasike të shtatzanisë janë:

1. Mungesa menstruacioneve
2. Ndryshimet në gjoks
3. Nauze me ose pa të vjella
4. Urinimi i shpeshtë
5. Lodhja
6. Ndryshimet e humorit
7. Fryerje
8. Njolla të lehta
9. Ngërçe
10. Kapsllëk
11. Marramendje dhe të fikët
12. Kongjestion i hundës

1. Mungesa menstruacioneve

Ndër simptomat e shtatzanisë më të dukshme dhe ajo që i shtyn shumicën e grave të bëjnë një test shtatzanie, është mungesa e menstruacioneve. Por jo të gjitha menstruacionet e humbura apo të vonuara janë shkaktuar nga shtatzania.

Gjithashtu, gratë mund të përjetojnë gjakderdhje gjatë shtatzanisë. Nëse jeni shtatzënë, pyesni mjekun tuaj se çfarë duhet të keni parasysh me gjakderdhjen. Për shembull, kur gjakderdhja është normale dhe kur është shenjë e një urgjence.

Përveç shtatzënisë, për mungesën e menstruacioneve. mund të jetë se:

• Keni shtuar ose humbur shumë peshë;
• Problemet hormonale;
• Lodhja ose stresi etj. 

Disa gra humbasin menstruacionet kur ndalojnë marrjen e pilulave kontraceptive. Por nëse shtatzania është e mundshme, mund të bëni një test.

2. Ndryshimet në gjoks

Ndryshimet e gjoksit janë një tjetër simptomë e hershme e shtatzanisë. Nivelet e hormoneve të një gruaje ndryshojnë me shpejtësi pas ngjizjes. Për shkak të ndryshimeve, gjinjtë e tyre mund të fryhen ose ndjehen ndjesi shpimi gjilpërash një ose dy javë më vonë. 

Ose mund të ndihen më të rëndë ose më të butë në prekje. Zona rreth thithkave, e quajtur areola, gjithashtu mund të errësohet.

Sikleti ka të ngjarë të ulet pas disa javësh, pasi trupi juaj përshtatet me ndryshimet hormonale.

3. Nauze me ose pa të vjella

Shkaku i saktë i të vjellave në mëngjes nuk dihet, por hormonet e shtatzanisë mund të kontribuojnë në këtë simptomë. Të përzierat gjatë shtatzanisë mund të shfaqen në çdo kohë të ditës, por më së shpeshti në mëngjes.

Shpesh të përzierat fillojnë një deri në dy muaj pasi mbeteni shtatzënë. Megjithatë, disa gra ndjejnë të përziera më herët dhe disave nuk iu ndodh kurrë. 

Gjithashtu, disa gra dëshirojnë ose nuk durojnë dot disa ushqime kur mbeten shtatzënë. Edhe kjo si shumë nga simptomat e shtatzanisë, lidhet me ndryshimet hormonale. Efekti mund të jetë aq i fortë sa që edhe mendimi për atë që dikur ka qenë një ushqim i preferuar, mund të trazojë stomakun e një gruaje shtatzënë.

Është e mundur që të përzierat, dëshirat dhe neveritë ndaj ushqimit mund të zgjasin gjatë gjithë shtatzënisë. Për fat të mirë, simptomat pakësohen për shumë gra rreth javës së 13-të ose të 14-të të shtatzënisë.

Ndërkohë, sigurohuni që të hani një dietë të shëndetshme në mënyrë që ju dhe fëmija juaj në zhvillim të merrni lëndë ushqyese thelbësore. Ju mund të flisni me mjekun tuaj për këshilla.

4. Urinimi i shpeshtë

Ju mund ta gjeni veten duke urinuar më shpesh se zakonisht. Sasia e gjakut në trupin tuaj rritet gjatë shtatzënisë, duke bërë që veshkat tuaja të përpunojnë lëngje shtesë që përfundon në fshikëzën tuaj.

Për shumë gra, kjo fillon rreth javës së gjashtë ose të tetë pas konceptimit. Edhe pse kjo mund të shkaktohet nga një infeksion i traktit urinar, diabeti, ose duke përdorur diuretikë, nëse jeni shtatzënë, ka shumë të ngjarë për shkak të niveleve hormonale.

5. Lodhja

Të ndihesh shumë e lodhur është normale në shtatzani, duke filluar që në fillimet e saj.

Një grua mund të fillojë të ndihet jashtëzakonisht e lodhur që një javë pas konceptimit.

Pse? Shpesh lidhet me një nivel të lartë të një hormoni të quajtur progesteron, megjithëse gjëra të tjera – të tilla si nivelet më të ulëta të sheqerit në gjak, presioni i ulët i gjakut dhe rritja e prodhimit të gjakut – të gjitha mund të kontribuojnë.

Nëse lodhja lidhet me shtatzaninë, është e rëndësishme të pushoni shumë. Ngrënia e ushqimeve që janë të pasura me proteina dhe hekur mund të ndihmojë në kompensimin e tij.

6. Ndryshimet e humorit

Vërshimi i hormoneve në trupin tuaj në shtatzaninë e hershme mund t’ju bëjë jashtëzakonisht emocionues dhe të ndjeshëm, aq sa qani kollaj. Ndryshimet e humorit janë gjithashtu të zakonshme dhe janë gjithashtu të lidhura me ndryshimet në hormone.

Këto janë të zakonshme, veçanërisht gjatë tremujorit të parë.

7. Fryerje

Ndryshimet hormonale gjatë shtatzanisë së hershme mund t’ju bëjnë të ndiheni të fryrë, gjë e cila është e ngjashme  me atë se si mund të ndiheni në fillimin e një periudhe menstruale.

8. Njolla të lehta

Njollat ​​e lehta të gjakderdhjes mund të jenë një nga shenjat e para të shtatzënisë. Ajo ndodh kur veza e fekonduar ngjitet në mitrër – rreth 10 deri në 14 ditë pas. 

Gjakderdhja ndodh rreth kohës kur prisni të keni një periudhë menstruale. Megjithatë, jo të gjitha gratë e kanë atë.

9. Ngërçe

Disa gra përjetojnë ngërçe të lehta të mitrës në fillim të shtatzënisë.

10. Kapsllëk

Ndryshimet hormonale bëjnë që sistemi juaj tretës të ngadalësohet, gjë që mund të çojë në kapsllëk. 

Për të lehtësuar problemin, pini shumë ujë, bëni ushtrime fizike dhe hani shumë ushqime me fibra.

11. Marramendje dhe të fikët

Këto mund të lidhen me zgjerimin e enëve të gjakut, uljen e presionit të gjakut dhe uljen e sheqerit në gjak.

12. Kongjestion i hundës

Rritja e niveleve të hormoneve dhe prodhimi i gjakut mund të bëjë që membranat mukoze në hundë të fryhen, të thahen dhe të rrjedhin gjak lehtësisht. Kjo mund t’ju shkaktojë të keni një hundë të mbyllur ose rrjedhje.

Konkluzion

Një grua shtatzënë mund të ketë të gjitha simptomat e shtatzanisë, ose ndoshta vetëm një ose dy. Nëse ndonjë nga këto simptoma bëhet shqetësuese, bisedoni me mjekun tuaj.

Nëse keni dyshime për shtatzani, bëni një test në shtëpi ose vizitoni mjekun. Sa më shpejt të konfirmohet shtatzania, aq më shpejt mund të filloni kujdesin para lindjes.

Përveç kontrrolleve rutinë mjekësore, mbani paraysh dhe kujdesin për shëndetin mendor, menaxhimin e stresit, ankthit, etj. 

Kërkimi i ndihmës në këtë peridhë është poaq i nevojshëm për shëndetin tuaj dhe të bebit, sa ai fizik.