Shenjat e stresit – Ja 11 prej tyre

Shenjat e stresit mund të jenë më të vështira se sa ne mendojmë për t’i identifikuar dhe njohur ato. Stresi përcaktohet si një gjendje e tensionit mendor ose emocional të shkaktuar nga rrethana të pafavorshme.

Në një moment apo në një tjetër, shumicës së njerëzve u duhet të merren me simptomat e stresit. Gjendja shoqërohet me një listë të gjatë të simptomave fizike dhe mendore.

Në këtë artikull do të shikoni 11 shenjat dhe simptomat e zakonshme të stresit:

1. Aknet
2. Dhimbje koke
3. Dhimbje kronike
4. Sistem i dobët imunitar
5. Ulja e energjisë dhe pagjumësia
6. Ndryshimet në libido
7. Probleme të tretjes
8. Ndryshimet e oreksit
9. Depresion
10. Rrahje të shpejta të zemrës 
11. Djersitje

1. Aknet

Aknet janë një nga shenjat e stresit më të dukshme që shfaqen. Kur disa njerëz ndihen të stresuar, ata priren të prekin fytyrat e tyre më shpesh. Kjo mund të përhapë bakteret dhe të kontribuojë në zhvillimin e puçrrave.

Disa studime kanë zbuluar se nivelet e larta të stresit shoqërohen me rritjen e ashpërsisë së puçrrave.

Një studim mati ashpërsinë e puçrrave në 22 persona para dhe gjatë një provimi. Nivelet e rritura të stresit si rezultat i provimit u shoqëruan me ashpërsi më të madhe të puçrrave.

Një studim tjetër i 94 adoleshentëve zbuloi se nivelet më të larta të stresit shoqëroheshin me acarime të rënda të fytyrës nga aknet, veçanërisht tek djemtë.

Përveç stresit, shkaqe të tjera të mundshme të puçrrave përfshijnë: 

• Ndryshimet hormonale;
• Bakteret;
• Prodhimin e tepërt të sebumit;
• Poret e bllokuara.

Një tjetër lidhje e stresit dhe akneve është edhe zgjatja në kohë e pranisë së akneve në fytyrë, në raport me një njeri që nuk përjeton stres të nivelit të lartë. 

2. Dhimbje koke

Stresi është një shkak i zakonshëm për dhimbje koke. Shumë studime kanë zbuluar se nivelet e rritura të stresit shoqërohen me frekuencë e rritur e dhimbjes së kokës.

Stresi mund të kontribuojë në dhimbje koke, një gjendje e karakterizuar nga dhimbje në zonën e kokës ose qafës.

Një studim i madh tregoi se intensiteti i rritur i stresit shoqërohej me një rritje në numrin e ditëve të dhimbjes së kokës të përjetuara në muaj.

Shkaktarë të tjerë të zakonshëm të dhimbjes së kokës përfshijnë: 

• Mungesën e gjumit;
• Konsumimin e alkoolit;
• Dehidratimin, etj.

3. Dhimbje kronike

Dhimbjet janë një ankesë e zakonshme që mund të rezultojë nga nivelet e rritura të stresit. Ka një numër studimesh që tregojnë se njerëzit me dhimbje kronike kanë nivele më të larta të kortizolit (hormoni i stresit) në trup. 

Përveç stresit, ka shumë faktorë të tjerë që mund të kontribuojnë në dhimbjen kronike, duke përfshirë gjendje të tilla si:

• Plakja;
• Dëmtimet;
• Posturë/ qëndrim jo i mirë;
• Dëmtimi i nervave.

4. Sistem i dobët imunitar

Nëse ndiheni sikur luftoni vazhdimisht me një sërë sëmundjesh apo gjendje gripale, mund të jetë fjala për stresin.

Stresi mund të dëmtojë sistemin tuaj imunitar dhe mund të shkaktojë ndjeshmëri të shtuar ndaj infeksioneve.

Në një studim, 61 të moshuarve u është injektuar vaksina e gripit. Tek ata me stres kronik u zbulua se kishin një përgjigje të ulët imune ndaj vaksinës, duke treguar se stresi mund të shoqërohet me ulje të imunitetit.

Një analizë e 27 studimeve tregoi se stresi ishte i lidhur me ndjeshmërinë e rritur të zhvillimit të një infeksioni të rrugëve të sipërme të frymëmarrjes.

Nevojiten më shumë kërkime mbi njerëzit për të kuptuar lidhjen komplekse midis stresit dhe imunitetit. Sidoqoftë, stresi është vetëm një pjesë e enigmës kur bëhet fjalë për shëndetin imunitar.

Një sistem imun i dobësuar mund të jetë gjithashtu rezultat i:

• Një diete të dobët;
• Pasivitetit fizik;
• Çrregullimeve të caktuara të mungesës së imunitetit si leucemia dhe mieloma e shumëfishtë.

5. Ulja e energjisë dhe pagjumësia

Lodhja kronike dhe nivelet e ulura të energjisë mund të shkaktohen gjithashtu nga stresi i zgjatur. Për shembull, një studim i 2,483 njerëzve zbuloi se lodhja ishte e lidhur me rritjen e niveleve të stresit.

Stresi gjithashtu mund të prishë gjumin dhe të shkaktojë pagjumësi, e cila mund të çojë në mungesë energjie ditën tjetër..

Faktorë të tjerë që mund të luajnë një rol në uljen e niveleve të energjisë përfshijnë:

• Dehidratimin;
• Sheqeri të ulët në gjak;
• Kequshqyerje;
• Probleme të tiroides.

6. Ndryshimet në libido

Shumë njerëz përjetojnë ndryshime seksuale gjatë periudhave stresuese.

Një studim i përbërë nga 103 gra zbuloi se nivelet më të larta të stresit shoqëroheshin me nivele më të ulëta të aktivitetit seksual dhe kënaqësisë. Nivelet e larta të stresit ndikojnë negativisht në dëshirën, eksitimin dhe kënaqësinë seksuale.

Ka shumë shkaqe të tjera të mundshme të ndryshimeve në epsh, duke përfshirë ndryshimet hormonale, lodhjen dhe shkaqet psikologjike.

7. Probleme të tretjes

Problemet e tretjes si diarreja dhe kapsllëku gjithashtu mund të shkaktohen nga nivele të larta të stresit.

Stresi mund të prekë veçanërisht ata me çrregullime të tretjes siç janë sindroma e zorrëve të irritueshme (IBS) ose sëmundja inflamatore e zorrëve (IBD). Këto karakterizohen nga dhimbje stomaku, fryrje barku, diarre dhe kapsllëk.

Gjithashtu, duhet marrë në konsideratë fakti se shumë faktorë të tjerë mund të shkaktojnë probleme të tretjes, të tilla si:

• Dieta;
• Dehidratimi;
• Jeta sedentare;
• Infeksioneose ilaçe të caktuara.

8. Ndryshimet e oreksit

Tek shenjat e stresit futen dhe ndryshimet në oreks, të cilat janë shumë të zakonshme gjatë periudhave të stresit.

Kur ndiheni të stresuar, mund ta gjeni veten ose pa oreks fare ose duke ngrënë në mënyrë të shpejtë një sasi të madhe ushqimi qoftë dhe në mes të natës.

Një studim me studentë të gjimnazeve zbuloi se 81% prej tyre  kishin përjetuar ndryshime në oreks kur ishin të stresuar. Prej tyre, 62% kishin një rritje të oreksit, ndërsa 38% përjetuan një ulje.

Në një studim të 129 personave, ekspozimi ndaj stresit shoqërohej me sjellje si ngrënia pa qenë i uritur. Këto ndryshime në oreks mund të shkaktojnë edhe luhatje të peshës gjatë periudhave stresuese.

9. Depresion

Stresi kronik mund të kontribuojë dhe në zhvillimin e depresionit. Nivelet e larta të stresit shpesh shoqërohen me nivele më të larta të simptomave depresive.

Kalimi nga stresi tek depresioni, tregon që stresi i përjetuar ka qenë në nivele të larta dhe i shfaqur në mënyrë kronike. Gjithashtu, mungesa e trajtimit në kohë ka bërë të mundur që stresi të marroë trajta depresive. 

Përveç stresit, kontribues të tjerë të mundshëm të depresionit përfshijnë: 

• Historinë familjare;
• Ndryshimet hormonale (hormonet); 
• Faktorët mjedisorë;
• Ilaçe të caktuara, etj.

10. Rrahje të shpejta të zemrës 

Një rrahje e shpejtë e zemrës futet poashtu tek shenjat e stresit.

Një studim mati reaktivitetin e rrahjeve të zemrës në përgjigje të ngjarjeve stresuese dhe jo-stresuese, duke zbuluar se rrahjet e zemrës ishin dukshëm më të larta gjatë kushteve stresuese.

Një studim tjetër me 87 studentë që u nënshtruan të bënin një detyrë stresuese, u pa që rrahjet e zemrës dhe presioni i gjakut u rritën. Ishte mjaft interesante, kur u vendos muzikë relaksuese gjatë detyrës dhe i ndihmoi në parandalimin e këtyre shenjave. 

Një rrahje e shpejtë e zemrës mund të shkaktohet gjithashtu nga: 

• Presioni i lartë i gjakut;
• Sëmundje e tiroides;
• Gjendje të caktuara të zemrës;
• Duke pirë sasi të mëdha të pijeve alkoolike me kafeinë ose alkoolike etj.

11. Djersitje

Ekspozimi ndaj stresit gjithashtu mund të shkaktojë djersitje të tepërt. Për shembull mund të keni hasur hiperhidrozë palmare, një gjendje e karakterizuar nga djersitje e tepërt në duar. 

Djersitja e tepërt mund të shkaktohet edhe nga:

• Ankthi;
• Rraskapitja;
• Temperaturat e larta;
• Gjendjet me probleme të tiroides;
• Përdorimi i disa ilaçeve.

Konkluzion

Stresi është diçka që shumica e njerëzve do ta përjetojnë në një pikë apo në një tjetër.

Mund të dëmtojë shumë aspekte të shëndetit dhe ka një gamë të gjerë të shenjave që shfaq, duke përfshirë uljen e niveleve të energjisë dhe shkaktimin e dhimbjeve të kokës ose dhimbjeve kronike.

Stresi mund të ndikojë tek ju si emocionalisht dhe fizikisht, dhe mund të ndikojë në mënyrën e sjelljes. Për fat të mirë, ka shumë mënyra për të ndihmuar në lehtësimin e stresit, të tilla si ushtrimet e frymëmarrjes dhe bërja e jogës.

Trajtimi i stresit, përveçse do të ndihmojë në lehtësimin e shenjave të tij, por do të bëjë të mundur dhe parandalimin dhe menaxhimin tij.