Efektet e depresionit në trup - 10 Shenjat

Efektet e depresionit në trup do të diskutohen në këtë artikull dhe pse sic e njohim depresioni teknikisht është një çrregullim mendor, por që simptomat e tij duken në trup.

Më poshtë jepen 10 efektet e depresionit në trup dhe se si mund të ndikojë nëse lihet pa u trajtuar:

Ndjenja e boshllëkut
Përqendrimi i ulët
Pagjumësi ose gjumë i tepërt
Luhatjet ekstreme në peshë
Ndjenja e mpirjes
Dhimbje tupore
Anhedonia
Sistem imunitar i dobët
Preokupimi me vdekjen
Ulet dëshira për seks

1. Ndjenja e boshllëkut

Zgjatja në kohë e ndjenjave të mërzitjes, fajit apo i të ndjerit bosh, mund të jetë një simptom e depresionit klinik.

Nëse identifikoni tek vetja më shumë se gjysmën e këtyre simptomave, me siguri po luftoni me zbrazëtinë (apo të ndjerit bosh):

Keni frikë ose dëshirë për të qëndruar vetëm;
Mendoni/ndjeni se jeta juaj nuk ka kuptim;
Ndjeni mungesën e lumturisë dhe përmbushjes së vetes;
Keni mpirje emocionale;
Bëni sjellje për të shpëtuar nga zbrazëtia;
Keni mërzi kronike (të shpeshtë);

Për shumë njerez depresioni vjen me ndjenja të shpeshta të zbrazëtisë ose mpirjes. Efektet e depresionit në trup ju bëjnë që emocionet e zakonshme të mos i ndjeni njësoj si më parë.

Një konkretizim i zbrazëtisë jepet ne kete listë:

Ju nuk po merrni frymë, nuk po e ndjeni vërtet erën e ftohtë në fytyrën tuaj ose tokën poshtë këmbëve;
Nuk ndjeni uri, as etje, as dëshirë për ëmbëlsirat;
Ju nuk e ndjeni dhimbjen fizike apo butësinë e shtratit poshtë jush;
Ju nuk ndiheni as të lodhur, thjesht nuk keni energji;

2. Përqendrimi i ulët

Depresioni prek zonat e trurit që lidhen me:

Kujtesën;
Të mësuarim;
Përqëndrimin;
Problem-zgjidhjen;
Vendimmarrjen;

Të tilla simptoma te depresionit janë më të pranishme tek të moshuarit, por hasen dhe tek grup-moshat e tjera që janë nën efektet e depresionit.

Kuptoni se e keni tepër të vështirë të përqëndroheni;
Kujtesë e dobët;
E keni të vështirë të memorizoni gjërat e reja;
Vështirësi për të kryer dhe detyrat më të thjeshta apo të zakonshme;
Nuk mendoni qartë;
Hani vështirësi në zgjidhjen e problemeve;

Depresioni shoqërohet me humbje të kujtesës afatshkurtër. Por që ndikon dhe në llojet e tjera të kujtesës, të tilla si memorja afatgjatë dhe memorja procedurale, e cila kontrollon aftësitë motorike.

Njerëzit në depresion kanë probleme të mbajnë mend detaje të ngjarjeve që kanë përjetuar, por që kanë një tërheqje më të fortë për kujtimet negative. Stresi dhe ankthi gjithashtu mund të çojnë në kujtesë të dobët.

3. Pagjumësi ose gjumë i tepërt

Gjumi, mund të jetë gjëja e fundit që normalizohet gjatë një episod depresiv. Depresioni mund t’ju mbajë zgjuar gjatë natës ose t’ju bëjë të flini gjatë gjithë ditës.

Kjo mund të lidhet me vështirësinë për të gjetur rehat nga të mbi-menduarit, përqëndrimin në kujtimet negative, vetë-fajësimet, pesimizmin etj,.

Gjithashtu, trupi juaj fillon bëhet i rëndë, gjë që ju bën të flin më shumë se ç’duhet dhe kjo ndryshe quhet shmangie, pasi nuk keni fuqinë për ta përballuar depresionin, përveçëse me gjumë.

Problemet e gjumit dhe depresioni janë të lidhura thellë dhe cilësia e gjumit ka tendencë të bjerë për sa kohë që depresioni nuk trajtohet plotësisht.

Simptomat e problemeve të gjumit përfshijnë:

Vështirësi për të rënë në gjumë gjatë natës;
Zgjimi i pazakontë gjatë natës, në orë të vona;
Zgjimi shumë herët;
Gjumë i pazakontë gjatë ditës;
Përgjumje gjatë ditës;
Irritueshmëri, ankth;
Vështirësi në përqëndrim ose për të kujtuarin e gjërave;
Rritje të gabimeve ose aksidenteve;

4. Luhatjet ekstreme në peshë

Efektet e depresionit në trup shfaqen më së miri në këtë pjesë.

Depresioni mund të cojë në mbi-ngrënie ose në humbje të oreksit. Përdorimi i ushqimit për të përballuar depresionin, mund të sjellë:

Obezitet;
Dhimbje në stomak;
Sëmundje të natyrave të ndryshme;
Mungesë dëshire për të ngrënë;
Anoreksi nervore;
Bulimi;
Çrregullime të humorit;
Probleme me imazhin e trupit etj.

Disa ushqime, veçanërisht ushqime me përmbajtje të lartë të sheqerit dhe yndyrës, japin një ndjesi të mirë mes shumë “të këqijave”, ku ndodhet një person i depresionuar.

Kjo shpjegon pse një pjesë e madhe e njerëzve në depresion kanë tendencë të fitojnë peshë. Një ndjenjë e mirë si kjo ju bën të dëshironi të hani më shumë, gjë që nga ana tjetër ju bën të ndiheni keq me veten.

“Kjo çon në depresion më të thellë, më shumë ushqim dhe sasi më të mëdha të shtimit në peshë”- është një cikël i lig ”thotë psikiatri James Gordon. Dalja nga ai cikël mund të jetë një sfidë e vërtetë. Njerëzit fitojnë peshë sepse janë të dëshpëruar apo bëhen depresiv për shkak të ndryshimeve ekstreme që ndodhin në trup?!

Depresioni sjell shumë efekte dhe simptoma në trup që mund të përkeqësohen më tej nga:

Mbipesha;
Shqetësime të oreksit;
Mungesë energjie;
Mungesë motivimi për të bërë gjëra;

Një përmbledhje e 15 studimeve të fundit, e lidhin depresionin dhe me çrregullime të tjera të të ngrënit.

Një kategori tjetër e njerëzve në depresion, humbin dëshirën për të ngrënë dhe zhvillojnë një çregullim tjetër, si p.sh. bulimi apo anoreksi nervore.

5. Ndjenja e mpirjes

Edhe pse nuk na pëlqen dhimbja, në fakt ajo na kujton se jemi gjallë.

Më e keqe se goditja e zemrës, mund të jetë ndjesia e mpirjes, kur ju humbni kontaktin me ndjenjat tuaja dhe nuk mund të ndjeni:

Trishtimin;
Kënaqësinë që merrni nga aktivitetet e ndryshme;
Nuk shijoni as ushqimin;
Largohet dëshira / kënaqësia për seks;
Muzika fillon të ketë pak efekt;
Shakatë të duken pa sens.;
Humbet interesi për librat, filmat apo çdo gjë tjetër që të shijonte dikur;

Mpirja emocionale është një simptomë e zakonshme e depresionit.

Fillimisht mpin emocionet më pas bëhet somatike (trupore). Kjo është pjesa e çuditshme, që përveç se nuk ndjen dhimbjen emocionale, nuk ndjen as atë fizike.

Kështu kthehet si një paaftësi për të mos ndier. Nëse pyet një person që vuan nga depresioni se si ndihet, gjasat janë që ai të të përgjigjet se nuk ndjen asgjë. Ndonjëherë depresioni do të thotë asgjë.

6. Dhimbje tupore

Ndryshe nga ndjenja e mpirjes, depresioni bën dhe efektin e kundërt në disa njerëz. Shton dhimbjen fizike ose mund të shkaktojë atë. Dhimbja dhe depresioni janë të lidhura ngushtë, sipas disa studimeve. Ndonjëherë dhimbja dhe depresioni krijojnë një cikël të anasjelltë në të cilin dhimbja përkeqëson simptomat e depresionit.

Në shumë njerëz, depresioni shkakton simptoma të pashpjegueshme fizike si:

Dhimbje kurrizore;
Dhimbje koke;
Artrit;
Dhimbje stomaku;
Probleme të tretjes;
Dhimbje muskulore;
Probleme me shikimin dhe vizionin e qartë / shikim i turbullt;
Sinozit,. etj;

Studimet tregojnë se depresioni zvogëzlon tolerancën për dhimbjet somatike (trupore). Gjithçka dhëmb më shumë se normalisht. Psikologu ose mjeku mund t’i ndihmojë të kuptojnë nëse dhimbja që kanë vjen si pasojë e ngarkesës emocionale, apo vërtet vjen nga një shqetësim fizik.

Dhimbja trupore ngadalëson rikuperimin nga depresioni dhe depresioni e bën më të vështirë trajtimin e dhimbjes. Dhimbja shkakton frikë nga lëvizja ose paaftësi dhe palëvizshmëria krijon kushte për dhimbje të mëtejshme si depresion, ankth, stres.

7. Anhedonia

Pse depresioni ju bën të lodhur? Problemi i parë është cilësia e gjumit. Por edhe nëse dikush me depresion fle rregullisht, midis shtatë dhe nëntë orë gjumë në natë, ata prapë mund të zgjohen të lodhur.

Njerëzit në depresion flenë më pak sepse u duhen më shumë kohë për t’i zënë gjumi. E dyta është çështja që trupi juaj po lufton vazhdimisht kundër vetvetes, për të stabilizuar gjendjen tuaj shpirtërore dhe kjo merr energji.

Kështu dhe të bëni gjëra të lehta si p.sh,. të dilni nga shtrati, të hani apo të relaksoheni, shpesh bëhen një punë e rëndë kur jeni në depresion. Lodhja zakonisht shkon paralelisht me depresionin. Prek njerëzit emocionalisht, konjitivisht (mendimet) dhe fizikisht.

Simptomat fizike të lodhjes përfshijnë:

Energji të ulët;
Mungesë motvimi;
Ulje të qëndrueshmërisë fizike;
Përpjekje të mos kryer detyra fizike;
Dobësi të përgjithshme;
I ndjen gjymtyrët (krahët/këmbët) e rënda;
Plogështi;
Përtesë dhe për aktivitetet e përditshme/ të thjeshta;
Përgjumje;

Ja se si një person që vuan nga depresioni e shpjegon lodhjen e tij:

“Është një hajdut energje. Më shurdhon emocionet, mendimin tim, entuziazmin tim natyror për gjëra që më pëlqen të bëj, dua të bëj, deri në atë pikë sa unë nuk mund të kujtoj as veten.

Gjumi është ikja e madhe nga realiteti i të jetuarit me depresion. Sepse edhe kur jam zgjuar, nuk do të ndjej të bëj asgjë.

8. Sistem imunitar i dobët

Depresioni dobëson aftësinë për të luftuar sëmundjet dhe të shkaktojë rritje të ndjeshmërisë ndaj tyre.

Kjo përfshin:

Të ftohurin;
Gripin;
Probleme të frymëmarjes;
Asma;
Alergji të ndryshme;
Prekje nga viruse të ndryshme;
Apo sëmundje që zgjasin në kohë;

Stresi i tepërt, ndryshimet në gjumë, ndryshimet në oreks dhe izolimi shoqëror janë simptoma klasike të depresionit dhe një nga vendet ku ato shfaqen si simptoma fizike është sistemi imunitar i trupit.

9. Preokupimi me vdekjen

Gjendja depresive aktivizon tek individi të kujtuarin e ngjarjeve negative të së shkuarës dhe nxit mendimet pesimiste për të ardhmen.

Ato fillojnë të mbingarkohen nga emocionet e dhimbshme dhe e shohin vdekjen si të vetmen rrugëdalje, duke humbur vëmendjen për faktin se vetëvrasja është një “zgjidhje” e përhershme për një gjendje të përkohshme.

Një shkak i madh i vetëvrasjes është sëmundja mendore, shumë shpesh depresioni dhe është shkaku i dytë kryesor i vdekjes tek të rinjtë. Mendimet vetëvrasëse më të shpeshta, janë pasive (p.sh., “Po sikur të kisha vdekur?”) ose aktive (p.sh., duke menduar mënyra për të vrarë veten – duke bërë një plan).

Shenjat paralajmëruese të vetëvrasjeve ose mendimet e vetëvrasjeve përfshijnë:

Duke folur për vetëvrasje – për shembull, “Unë do të vras veten”, “Unë do të doja të kisha vdekur” etj.;
Sigurimi i mjeteve që mund të kryejë vetëvrasje si marrja e një arme ose medikamenteve;
Tërheqja nga miqtë dhe dëshiron të qëndrojë vetëm;
Ndryshime ekstreme humori, të tilla si të jesh emocionalisht mirë një ditë dhe të dekurajohesh thellësisht ditën tjetër;
Të ndjerit i pashpresë;
Fillimi i përdorimit të alkoolit dhe drogës;
Ndryshimi i rutinës normale, përfshirë të ngrënit dhe gjumi;
Prirja për të bërë gjëra që vënë në rrezik jeten, si sporte ekstreme dhe vetë-shkatëruese;
Duke u thënë lamtumirë njerëzve sikur nuk do të shihen më;

10. Ulet dëshira për seks

Të qënit në depresion shakakton një humbje të interest dhe për ato aktivitete që zakonisht japin kenaqësi, përfshirë dhe seksin. Marrja e anti-depresantëve ndikon në libido, duke pasuar me uljen e dëshirës për të kryer marrdhënie seksuale.

Efektet e depresionit në trup, shfaqen si vështirësi dhe në lidhje me performancën seksuale dhe mund t’ju bëjë që të izoloheni nga të tjerët. Ekzistojnë disa ndryshime në mënyrën sesi depresioni prek gratë dhe burrat.

Një normë më e lartë e depresionit tek gratë është e lidhur me ndryshimet hormonale. Kjo është arsyeja pse rreziku i depresionit tek një grua mund të rritet:

Para dhe gjatë menstruacioneve;
Pas lindjes;
Rolet sociale që ka;
Gjatë perimenopauzës dhe menopauzës;
Nivelet e ulëta të estrogjenit prishin lubrifikimin natyral;
Ndryshimet në murin vaginal mund ta bëjnë aktivitetin seksual të pakëndshëm;

Burrat gjithashtu kanë më shumë të ngjarë të humbasin interesin për aktivitetet seksuale gjatë depresionit. Iaçet kundër depresionit janë të lidhura drejtpërdrejt me impotencën.

Si tek burrat dhe gratë, të kesh probleme me shëndetin seksual mund të përkeqësojnë ndjenjat dhe simptoma të tjera të depresionit.

Konkluzion

Efektet e depresionit në trup kanë një numër të lartë simptomash jo vetëm psikologjike por dhe fizike. Nëse ndjeni vështirësi të identifikoni dhe të flisni për emocione shqetësuese mund të shkaktojë që ndjenjat të shfaqen në trup.

Depresioni është një nga sëmundjet më të zakonshme të shëndetit mendor, por sic e pamë mund të shkaktojë probleme të shëndetit fizik

Lajmi i mirë është i trajtueshem. Me ndihmën e duhur, një person mund të menaxhojë/trajtojë si efektet shëndetësore fizike ashtu edhe ato mendore të depresionit.

Kështu, nëse dyshoni se këto simptoma mund të jenë më shumë se të dukshme dhe që zgjasin për më shumë se dy javë, kërkoni ndihmë profesionale.

Një personi të depresionuar, i duhet trajtim që të bëjë ndryshime për të ndihmuar në trajtimin e simptomave.

Efektet e depresionit në trup – 10 Shenjat