Postimet E Fundit
Stresi në punë lind aty ku kërkesat për punë të llojeve dhe kombinimeve të ndryshme tejkalojnë kapacitetin dhe aftësinë e personit për t’u përballur, por jo vetëm.
Në këtë artikull mund të lexoni rreth:
- Shenjat e stresit në punë
- Çfarë e shkakton strenin në punë?
- Si të ndihmojmë veten nga stresi në punë?
- Si përfitoni duke parandaluar stresin në punë?
- Çfarë mund të bëjnë punëdhenësit për stresin në punë?
1. Shenjat e stresit në punë
Shenjat e stresit të lidhur me punën mund të jenë fizike, psikologjike dhe të sjelljes.
Simptomat fizike përfshijnë:
- Lodhje;
- Tension muskulor;
- Dhimbje koke;
- Palpitacionet e zemrës;
- Vështirësitë e gjumit, të tilla si pagjumësia;
- Çrregullime gastrointestinale, të tilla si diarre ose kapsllëk;
- Probleme dermatologjike;
Simptomat psikologjike përfshijnë:
- Depresion;
- Ankth;
- Dekurajimi;
- Nervozizëm;
- Pesimizëm;
- Të ndjerit të mbingarkuar dhe të paaftë për të përballuar;
- Vështirësitë për t’u përqendruar ose për të marrë vendime;
Simptomat e sjelljes përfshijnë:
- Rritja e ditëve të sëmundjes,gripit ose mungesave në punë;
- Konflikte dhe debate;
- Zvogëlohet kreativiteti dhe iniciativa;
- Një rënie në performancën e punës;
- Probleme me marrëdhëniet ndërpersonale;
- Ndryshimet e humorit dhe nervozizmi;
- Tolerancë më e ulët ndaj zhgënjimit;
- Padurim;
- Mosinteresim;
- Izolim;
2. Çfarë e shkakton strenin në punë?
Të gjitha çështjet e mëposhtme janë identifikuar si stresorë të mundshëm në vendet e punës.
Zbuloni cilat nga këto ekzistojnë në vendin tuaj të punës:
- Kultura e organizimit;
- Menaxhim i dobët;
- Kërkesat e punës;
- Orë të gjata pune;
- Ndryshimet në detyra;
- Mbikëqyrja e tepërt;
- Mungesa e autonomisë;
- Mjedisi fizik i punës (i papërshtatshëm dhe mungesa e pajisjeve);
- Marrëdhëniet në punë;
- Mungesa e mbështetjes;
- Konflikti i roleve;
- Pagat dhe mungesa e shpërblimeve;
- Pasiguria në punë;
- Punë e mërzitshme;
- Aftësi të pamjaftueshme për punën dhe mungesa e trajnimeve;
- Pak mundësi promovimi;
- Ngacmimi;
- Diskriminim;
- Marrëdhënie të dobëta me kolegët ose shefat;
- Incidentet, të tilla si vdekje në vendin e punës.
3. Si të ndihmojmë veten nga stresi në punë?
Një person që vuan nga stresi i lidhur me punën mund të ndihmojë veten në një sërë mënyrash, duke përfshirë:
- Flisni për shqetësimet tuaja me punëdhënësin ose menaxherin e burimeve njerëzore.
- Sigurohuni që të jeni të organizuar mirë.
- Rendisni detyrat tuaja sipas prioritetit.
- Programoni detyrat më të vështira të çdo dite për momentet kur jeni të freskët, si për shembull në mëngjes.
- Kujdesu për veten.
- Hani një dietë të shëndetshme dhe ushtroni rregullisht.
- Mund të provoni meditim ose joga.
- Sigurohuni që të keni mjaftueshëm kohë të lirë për veten tuaj çdo javë.
- Mos e fshihni stresin nga njerëzit tuaj të afërt. Në vend të kësaj, tregoni atyre për problemet tuaja të punës dhe kërkoni mbështetjen dhe sugjerimet e tyre.
- Shmangni pirjen e tepërt të alkolit dhe pirjen e duhanit. Droga, alkooli dhe duhani, nuk do të lehtësojnë stresin dhe mund të shkaktojnë probleme shtesë shëndetësore.
- Kërkoni këshilla profesionale nga një psikolog.
Mendoni për ndryshimet që duhet të bëni në punë në mënyrë që të reduktoni nivelet e stresit dhe më pas merrni masa. Disa ndryshime mund t’i menaxhoni vetë, ndërsa të tjerat do të kenë nevojë për bashkëpunimin e të tjerëve.
Nëse stresi i lidhur me punën vazhdon të jetë problem, pavarësisht përpjekjeve tuaja, mund t’ju duhet të mendoni për një punë tjetër ose një ndryshim karriere.
Kërkoni ndihmë nga një këshilltar karriere ose psikolog.
4. Si përfitoni duke parandaluar stresin në punë?
- Ulja e simptomave të shëndetit të dobët mendor dhe fizik;
- Më pak lëndime, më pak sëmundje dhe kohë të humbur;
- Reduktimi i përdorimit të ilaceve mjekësore, mungesave të stafit;
- Rritja e produktivitetit;
- Kënaqësi më e madhe në punë;
- Rritja e angazhimit në punë;
- Ulja e kostove për punëdhënësin;
- Përmirësimi i shëndetit të punonjësve dhe mirëqenies së komunitetit;
5. Çfarë mund të bëjnë punëdhenësit për stresin në punë?
Është e rëndësishme që punëdhënësit ta njohin stresin e lidhur me punën si një çështje të rëndësishme të shëndetit.
Një kompani mund dhe duhet të ndërmarrë hapa për të siguruar që punonjësit të mos i nënshtrohen stresit të panevojshëm, duke përfshirë:
- Sigurimi i një mjedisi të sigurt pune;
- Trajnimi i stafit për punën;
- De-stigmatizimi i stresit lidhur me punën, duke e njohur hapur atë si një problem të vërtetë;
- Diskutimi i ankesave me punonjësit dhe merrja e masave kur është e mundur;
- Hartimi i një politike të menaxhimit të stresit me ofrimin e konsultave psikologjike;
- Krijimi i një mjedisi ku punonjësit të inkurajohen mbi detyrat e tyre dhe të promovohen;
- Punësim i një menaxheri të burimeve njerëzore;
- Zvogëlimi i kërkesave për jashtë orarit duke riorganizuar detyrat ose duke punësuar staf shtesë;
- Merrja parasysh e jetës personale të punonjësve dhe pranoni se kërkesat e shtëpisë ndonjëherë do të bien ndesh me kërkesat e punës;
- Kërkimi i këshillave dhe bashkëpunimit me profesionistët e shëndetit mendor;
Konkluzion
Stresi i lidhur me punën po bëhet një shqetësim i zakonshëm i referuar nga shumë njerëz. Stresi në punë mund të shkaktohet nga ngjarje të ndryshme.
Për shembull, një person mund të ndihet nën presion nëse kërkesat e punës së tyre (të tilla si orët ose përgjegjësitë) janë më të mëdha se sa mund të menaxhojnë.
Burime të tjera të stresit të lidhura me punën përfshijnë konfliktin me kolegët ose shefat, ndryshimin e vazhdueshëm dhe kërcënimet për sigurinë e punës.
Gjithashtu, stresi i lidhur me punën mund të përbëjë pjesën më të gjatë të mungesave dhe dëm për kompanin.
Nëse një person përjeton stres të lidhur me punën, preket i gjithë shëndeti i tij dhe mardhëniet sociale.
Prandaj kërkimi i ndihmës është shumë i rekomandueshëm për të adresuar dhe zgjidhur shqetësimin.
