Simptomat e depresionit – 8 Më të zakonshmet

Simptomat e depresionit ndryshojnë nga personi në person, por ato zakonisht përfshijnë:

1. Gjëndje pashprese
2. Humbje interesi
3. Rritja e lodhjes dhe problemet e gjumit
4. Ankthi
5. Irritimi (tek meshkujt)
6. Ndryshime në oreks dhe peshë
7. Emocione të pakontrollueshme
8. Mendime për vdekje

Megjithëse çdokush nga ne mund të përjetojë disa nga këto simptoma herë pas here, vetëm një mjek ose psikolog diagnostikon depresionin.

1. Gjëndje pashprese

Njerëzit që janë në depresion shpesh përjetojnë ndjenja të mungesës së shpresës. 

Pashpresa është një ndjenjë dëshpërimi ose mungesë shprese se jeta mund të mos ndihet më mirë se ajo që është aktualisht. Këto ndjenja sjellin tërheqjen e personit nga jeta dhe shumë aktivitete që dikur i bënin më kënaqësi.  

Gjithashtu njerëzit që janë në depresion ndihen sikur janë të pavlerë dhe mund të përjetojnë faj të tepërt. Ata shpesh mund të mendojnë, “Ky është i gjithë faji im”.

Vetmia dhe izolimi janë vijojnë më pas dhe janë ndër arsyet kryesore që nxisin shëndet mendor të dobët.

2. Humbje interesi

Depresioni mund të heqë kënaqësinë nga gjërat që njerëzit duan. Humbja e interesit ose tërheqja nga aktivitetet që pëlqenin më parë si: sportet, hobi, daljet me miqtë, është shpesh një shenjë e depresionit të madh. 

Humbja e interesit është e zakonshme. Simptomat e depresionit të madh përfshijnë një ulje të dëshirës seksuale dhe madje edhe impotencë.

3. Rritja e lodhjes dhe problemet e gjumit

Një pjesë e arsyes pse njerëzit me depresion mund të ndalojnë së bëri gjërat që u pëlqejnë është sepse ndihen shumë të lodhur. 

Depresioni shpesh vjen me mungesë energjie dhe një ndjenjë dërrmuese të lodhjes, e cila mund të jetë ndër simptomat e tij më dobësuese. Kjo mund të çojë në gjumë të tepruar.

Depresioni është gjithashtu i lidhur me pagjumësinë. 

4. Ankthi

Ankthi dhe depresioni shpesh ndodhin së bashku. 

Simptomat e ankthit mund të përfshijnë:

• Nervozizëm, shqetësim ose një ndjenjë tensioni
• Ndjenja rreziku, paniku ose frike
• Ritmi i shpejtë i zemrës
• Frymëmarrje e shpejtë
• Djersitje e shtuar ose e rëndë
• Dridhje muskulore
• Vështirësi për t’u fokusuar ose për të menduar qartë për ndonjë gjë tjetër përveç një preokupimi qendror

5. Irritimi (tek meshkujt)

Depresioni mund të ndikojë ndryshe tek gjinitë.

Hulumtimet tregojnë se burrat me depresion mund të përjetojnë nervozizëm, sjellje të rrezikshme, abuzim me substanca ose agresion të shtuar. Kjo mund të lidhet dhe me faktin se burrat apo djemtë tentojnë të flasin më pak për emocionet e tyre, në krahasim me gratë dhe vajzat.

Në përgjithësi, burrat kanë më pak gjasa se gratë të njohin depresionin ose të kërkojnë trajtim për atë gjendje. Ata kanë më shumë mundësi të kërkojnë ndihmë kur simptomat e tyre të jenë agravuar.

Nga ana tjetër, ata preferojnë mjekësinë në vend të terapis me psikolog kur marrin trajtim sipas një studimi.

Sidoqoftë nga eksperienca jonë klinike, burrat dhe djemtë shqiptar kërkojnë ndihmë poaq sa gratë dhe vajzat për shqetësimet e tyre psiko emocionale.

6. Ndryshime në oreks dhe peshë

Pesha dhe oreksi mund të luhaten në një kohë depresioni.

Kjo përvojë mund të jetë e ndryshme për çdo person. Disa njerëz do të kenë një oreks të shtuar dhe do të shtojnë peshë, ndërsa të tjerët nuk do të jenë të uritur dhe do të humbin peshë.

Një tregues nëse ndryshimet në dietë lidhen me depresionin është nëse ato janë të qëllimshme apo jo. Nëse nuk janë, mund të nënkuptojë se janë shkaktuar nga depresioni.

7. Emocione të pakontrollueshme

Çrregullimi humorit i referohet paaftësisë së një personi për të kontrolluar ose rregulluar përgjigjet e tij emocionale ndaj stimujve provokues. Duhet të theksohet se të gjithë ne mund të bëhemi të paekuilibruar kur nxitemi nga diçka.

Por, me disa persona, periudhat e disrregullimit mund të zgjaten, duke shkaktuar ndërprerje të mëdha në marrëdhëniet dhe funksionimin e përditshëm.

Një moment është një shpërthim zemërimi, në momentin tjetër, lotët po rrjedhin në mënyrë të pakontrolluar etj. Pra ndër simptomat e depresionit është se dhe ndryshime humori të vazhdueshme.

8. Mendime për vdekje

Depresioni ndonjëherë lidhet me vetëvrasjen. 

Ata që vdesin nga vetëvrasja zakonisht shfaqin simptomat e depresionit ose probleme të shëndetit mendor. 

Shpesh njerëzit flasin për të ose bëjnë një përpjekje të parë përpara se t’i japin fund jetës së tyre. Kur njerëzit janë në rrezik të menjëhershëm të vetëlëndimit ose lëndimit të të tjerëve, ata përreth tyre duhet:

• Telefononi urgjencën.
• Qëndroni me personin derisa të arrijë ndihma.
• Hiqni çdo armë, thikë, medikamente ose sende të tjera potencialisht të rrezikshme.
• Dëgjoni, por mos gjykoni, debatoni, kërcënoni ose bërtisni

Përmbledhje

Depresioni prek miliona njerëz, por ka një mori opsionesh të disponueshme për trajtim, nga ndryshimet e stilit të jetesës, psikoterapia deri te medikamentet. 

Pavarësisht se çfarë rruge ndjek dikush, kërkimi i ndihmës profesionale me psikolog është një hap i parë kritik drejt fillimit që ai të ndihet më mirë.

Arsyet e depresionit ndryshojnë, dhe ato nuk janë statike dhe fillojnë nga 

• Çështjet financiare
• Vetmia/izolimi
• Trauma
• Humbja dhe çështjet e marrëdhënieve etj

Profesionistët e kujdesit shëndetësor që punojnë me njerëzit që përjetojnë depresion ndihmojnë në kapërcimin periudhave depresive dhe mësojnë personin si t’i menaxhojnë ato, sips një plani trajtimi personal.