Ankthi në stomak - Si të qetësoni stomakun e shqetësuar

Ndjesia e një ankthi në stomak është shumë e zakonshme në situata stresuese.

A e keni pyetur ndonjëherë veten pse ndihen“fluturat” në stomak përpara se të bëni diçka stresuese? Ose pse ndiheni sikur stomaku juaj është “i lidhur në nyje” pas një debati?

Lexo më shumë për:

Çfarë e shkakton ankthin në stomak?
Simptomat e ankthit në stomak
Si të qetësoni një stomak të shqetësuar?

1. Çfarë e shkakton ankthin në stomak?

Lidhja zorrë-tru

Ekziston një lidhje shumë e fortë midis trurit dhe zorrëve tona. Pra mendimet dhe emocionet që përjetojmë mendërisht në trurin tonë, të tilla si stresi dhe ankthi, mund të lidhen me zorrët tona, kështu përjetohet ankthi në stomak.

Kjo ndodh sepse ne kemi një nerv të gjatë të quajtur nervi vagus, që lidh trurin tonë me zorrët. Zorra jonë ka mbi 200 milionë qeliza nervore dhe kontrollohet nga sistemi i vet nervor, i njohur si sistemi nervor enterik. Kjo mund t’i përgjigjet sinjaleve dhe hormoneve nga truri ynë dhe sistemi ynë nervor qendror.

Kur truri ynë zbulon një situatë stresuese ose një kërcënim, ai reagon automatikisht duke kaluar në një modalitet “lufto ose ik“, një përgjigje e krijuar për të na ndihmuar të mbijetojmë.

Lajmëtarët kimikë dhe hormonet, si adrenalina dhe kortizoli, lëshohen. Një nga rolet e tyre është të dërgojnë më pak gjak në stomak dhe të ngadalësojnë tretjen. Kjo mund të shkaktojë simptoma në stomak që ne i lidhim me ankthin.

Lëshimi i kimikateve dhe hormoneve në trup lejon që më shumë gjak dhe energji të shkojnë në organet thelbësore për mbijetesën, si zemra dhe mushkëritë.

Sidoqoftë, truri ynë nuk mund t’i dallon situatat kërcënuese/jo-kërcënuese për jetën, të tilla si një prezantim ose intervistë e ardhshme apo edhe çështje të marrëdhënieve. Meqenëse e percepton këtë stresor si një kërcënim, ai ende aktivizon përgjigjen e luftës ose largimit.

Tek njerëzit me stres kronik ose në ankth, kjo përgjigje mund të mbetet përgjithmonë ‘e ndezur’ (ose derisa të trajtohet) dhe të shkaktojë simptoma të vazhdueshme ankthi në stomak.

Stresi

Stresi gjithashtu mund të ndikojë në ekuilibrin e baktereve të zorrëve.

Ne kemi rreth 100 trilion mikrobe në traktin tonë tretës. Shumica janë baktere të rëndësishme për:

mbajtjen e zorrëve tona të shëndetshme;
rregullimin e lidhjes zorrë-tru;
prishjen e substancave që ne nuk mund t’i tresim, si fibrat dietike.

Është jetike që të ketë një ekuilibër të shëndetshëm dhe diversitet të mikrobiomës së zorrëve.

Një çekuilibër i mikrobiomës tek zorrët mund të ndikojnë në pjesët e trurit tonë që menaxhojnë stresin dhe sjelljen emocionale.

Kështu lajmëtarët kimikë të lëshuar kur jemi të stresuar ose në ankth mund të krijojnë një çekuilibër të mikrobiomës sonë të zorrëve, edhe nëse ky stres është afatshkurtër. Kjo mund të shkaktojë simptoma që lidhen me ankthin në stomakun tonë, të tilla si të përziera.

2. Simptomat e ankthit në stomak

Pavarësisht nëse është një ngjarje e vetme ose shqetësim kronik me kalimin e kohës, stresi mund të shkaktojë një dëmtim fizik në sistemin të tretjes.

Kur jeni në ankth, disa nga hormonet dhe kimikatet e lëshuara nga trupi juaj hyjnë në traktin e tretjes, ku ndërhyjnë në tretje.

Ato kanë një efekt negativ në florën e zorrëve (mikroorganizmat që jetojnë në traktin tretës dhe ndihmojnë tretjen) dhe ulin prodhimin e antitrupave.

Çekuilibri kimik që rezulton mund të shkaktojë një sërë gjendjesh gastrointestinale.

Simptoma të zakonshme ankthi në stomak përfshijnë:

“fluturat” në stomak
ngushtësi, dridhje, ngërçe, nyje në stomak
ndjenjë nervozizmi ose ankthi
dridhje e muskujve të barkut
fryrje të shpeshta
dispepsi, ose ngopje e shpejtë kur hahet
ndjenjë ngrohtësie ose fryrje në gropën e stomakut
urinim i shtuar dhe lëvizje të zorrëve
diarre
kapsllëk
humbje e oreksit
uria e panatyrshme
të përziera
ulcerat peptike
Sindroma e zorrës së irrituar (IBS)

Nese vuani me një nga këto kushte, gjendja në vetvete mund të bëhet burim ankthi dhe të ndikojë në cilësinë e jetës.

3. Si të qetësoni një stomak të shqetësuar?

Për të hequr qafe atë ndjenjë ankthi në stomak, ka mënyra të ndryshme që mund të përdorni.

Kjo mund të përfshijë trajtimin e problemeve të stomakut ose trajtimin e ankthit si shkaku kryesor i dhimbjes së stomakut.

Megjithëse këto sugjerime janë praktike dhe të bazuara në prova, është e rëndësishme të kuptoni se të gjithë kanë përvoja të ndryshme, kështu që disa qasje mund të mos jenë efektive për ju.

Ndryshimet në dietë

Kafeina

Shmangni kafeinën për dy arsye:

Kafeina mund të shkaktojë probleme gastrointestinale.
Kafeina mund të përkeqësojë simptomat e lidhura me ankthin sepse rrit molekulat e lidhura me përgjigjen e luftimit ose largimit, të tilla si adrenalina dhe kortizoli, dhe bllokon një molekulë të quajtur adenozinë, e cila ndihmon relaksimin.

Përmirësoni shëndetin e zorrëve

Dieta është një modifikues i rëndësishëm i lidhjes mikrobiotë-zorrë-tru. Shëndeti i zorrëve mund të përmirësohet duke:

Konsumuari probiotikë.
- Këto janë mikroorganizma që mund të kontribuojnë në bakteret e shendetshme të zorrëve dhe të ndihmojnë në krijimin e një ekuilibri të shëndetshëm.
- Nga ana tjetër, kjo mund të ndihmojë në promovimin e një ekuilibri të hormoneve dhe neurotransmetuesve.
- Gjithashtu, një probiotik redukton në mënyrë efektive ankthin dhe simptomat e lidhura me zorrët duke aktivizuar nervin vagus.
- Probiotikët gjenden në ushqime si kosi, kombucha, perimet turshi dhe lakër turshi.

Rritja e marrjes së fibrave.
- Ne nuk mund të tresim fibrat, por ajo vepron si “ushqim” për probiotikët dhe ndihmon në promovimin e një ekuilibri të shëndetshëm të baktereve të zorrëve.
- Ju mund të gjeni burime të mira të fibrave në drithërat, bishtajoret dhe shumë fruta dhe perime të ndryshme.

Tratimi psikologjik

Trajtimet psikologjike, të tilla si terapia, zvogëlojnë ankthin përgjegjës për problemet tuaja të stomakut.

Edhe pse kjo qasje mund të mos synojë drejtpërdrejt simptomat tuaja fizike, ato janë efektive pasi zorra juaj është kaq e lidhur drejtpërdrejt me funksionimin e trurit.

Terapia konjitive e sjelljes (CBT)

CBT është treguar se ndihmon në reduktimin e ankthit dhe simptomave gastrointestinale të lidhura me të.

Kjo formë terapie ju mëson se si të menaxhoni ndërveprimet midis ndjenjave, mendimeve dhe sjelljes suaj. Mund të përfshijë frymëmarrje të thellë dhe relaksim të muskujve për të reduktuar përgjigjen ndaj stresit.

Terapia relaksuese

Terapia e relaksimit përfshin të mësuarit e teknikave të ndryshme për t’u ndjerë më të relaksuar dhe për të pasur një reagim më pak intensiv ndaj situatave stresuese.

Këto teknika përfshijnë relaksim progresiv të muskujve, vizualizimin e skenave relaksuese dhe dëgjimin e muzikës paqësore. Është më sfektive për trajtimin e çrregullimeve gastrointestinale të lidhura me ankthin kur përdoret së bashku me CBT.

Frymëmarrja diafragmatike

Frymëmarrja diafragmatike është një ushtrim që rregullon funksionimin e sistemit nervor dhe mund të ndikojë në trurin dhe sistemin gastrointestinal.

Kjo do të thotë se mund të ndihmojë në menaxhimin e dhimbjeve të stomakut të lidhura me ankthin.

Ajo mund të:

Ul tensionin e muskujve, si p.sh. në muskujt e lëmuar të stomakut.
Aktivizon reagimin e relaksimit të trupit dhe ul përgjigjen ‘lufto ose vrapo” duke stimuluar nervin vagus.

Përpiquni të përsërisni ushtrimin e mëposhtëm për dhjetë deri në pesëmbëdhjetë minuta, si në video.

Meditim i ndërgjegjes

Meditimi i ndërgjegjes është një praktikë e trajnimit mendor ku mësoni të përqendroni vëmendjen tuaj në momentin aktual dhe të pranoni mendimet dhe ndjenjat tuaja. Besohet se është efektive sepse shpesh ndihemi të shqetësuar dhe përjetojmë simptoma kur shikojmë nga e kaluara ose e ardhmja.

Një studim te njerëzit me IBS dhe ankth tregoi se meditimi i ndërgjegjshëm reduktoi simptomat e tyre gastrointestinale dhe mendimet ankthioze dhe përmirësoi cilësinë e tyre të përgjithshme të jetës.

Ushtrimi

Çdo lloj ushtrimi përmirëson çrregullimet hormonale dhe stimulon lirimin e endorfinës që përmirëson disponimin dhe ulin stresin – nga ana tjetër duke reduktuar ankthin që mund të lehtësojë simptomat tuaja.

Në veçanti, joga është e dobishme për përmirësimin e simptomave fizike gastrointestinale dhe ankthit.

Yoga besohet se ndikon në lidhjen tru-zorrë, zvogëlon aktivitetin e sistemit nervor simpatik që lidhet me stresin dhe përgjigjen “lufto ose ik” dhe rrit reagimin e relaksimit.

Konkluzon

Në një moment në jetën tuaj, ka të ngjarë të keni përjetuar një nivel ankthi për një situatë stresuese. Ju gjithashtu mund të keni vënë re se ndonjëherë simptomat e ankthit shfaqen në stomakun tuaj.

Ndjenja e ankthit në stomak mund të përfshijë atë që ndihet si “flutura” ose “nyje”. Këto zakonisht zhduken pasi kalon situata stresuese, si një intervistë për punë, prezantim etj.

Studiuesit kanë identifikuar një lidhje të fuqishme zorrë – tru. Ashtu si truri, zorra është plot me nerva. Ajo zonë përmban pjesën më të madhe të nervave jashtë trurit.

Kjo është e arsyeja pse aparati ynë tretës përjeton në ëmnyrë direkte ankthin.

Nëse nuk mund t’i menaxhoni simptomat tuaja përmes strategjive më lart, ose ato zgjasin më shumë se disa ditë, duhet të shihni mjekun tuaj për një vlerësim. Ata do të jenë në gjendje të përjashtojnë shkaqe fizike, t’ju sugjerojnë psikolog për shëndetin mendor ose t’ju referojnë te një specialist si gastroenterologu.