Terapi për ankthin – 7 Llojet e terapive efektive

Personat që ndjekin ose kanë ndjekur një terapi për ankthin, mund të kenë kuptuar se është opsioni më efektiv i trajtimit. 

Në disa raste, ilaçet kanë një rol në trajtimin e çrregullimeve të ankthit. Por terapia, ndryshe nga ilaçet, ju jep mjetet për të menaxhuar ankthin vetë në të ardhmen.

Teknika të ndryshme, dhe terapi për ankthin janë zhvilluar dhe kanë evoluar me kohën me qëllim trajtimin e tij.

Më poshtë mund të njiheni me 7 lloj terapie për ankthin:

1. Terapi Kognitive e Sjelljes për ankthin
2. Terapi e ekspozimit për ankthin
3. Terapi dialektike e sjelljes për ankthin
4. Terapi e Pranimit dhe Angazhimit për ankthin
5. Terapi Arti për ankthin
6. Terapi psikoanalitike për ankthin
7. Terapi ndërpersonale për ankthin

1. Terapi Kognitive e Sjelljes për ankthin

Terapia njohëse e sjelljes (CBT) është terapia më e përdorur për trajtimin e ankthit. 

Studimet tregojnë se kjo terapi për ankthin është efektive në trajtimin e:

• Ankthit social;
• Çrregullimit të ankthit të përgjithshëm;
• Fobive;
• Çrregullimeve të panikut;

Filozofia e CBT është se janë mendimet tuaja, jo situata juaj aktuale që ndikon në mënyrën se si ndiheni dhe më pas silleni. 

Qëllimi i CBT është të identifikojë modele të menduarit negativ dhe sjelljes joefektive. Më pas t’i zëvendësojë ato me mendime realiste, veprime efektive dhe mekanizma përballimi.

Gjatë këtij procesi, terapisti vepron si një trajner që ju mëson strategji të dobishme. 

Për shembull, ju mund të bëni keni mendime “bardh e zi”, ku supozoni se gjërat janë të gjitha të këqija ose të gjitha të mira. Në vend të kësaj, ju do t’i zëvendësonit ato mendime me perceptim më realist se ka shumë nuanca gri në mes.

Pasi filloni të njihni ankthin dhe çfarë e shkakton atë tek ju, mund të mësoni të aplikoni teknika për të menaxhuar frikën, shqetësimin dhe panikun.

Zhvilloni seanca trajtimi videocall, shumë efektive, me këtë terapi për trajtimin e ankthit/panikut etj

2. Terapi e ekspozimit për ankthin

Terapia e ekspozimit është një nga metodat më të zakonshme CBT të përdorura për të trajtuar një sërë çrregullimesh ankthi, përfshirë fobitë specifike, ankthin social dhe PTSD. 

Filozofia e terapisë së ekspozimit është se nëse keni frikë nga diçka, mënyra më e mirë për hequr, është të përballeni me të.

Gjatë terapisë së ekspozimit, terapisti juaj ngadalë do t’ju prezantojë me objekte ose situata që shkaktojnë ankth. Kjo shpesh bëhet duke përdorur një teknikë të njohur si “desensitizimi sistematik“, i cili përfshin tre hapa:

Relaksimi

Terapisti do t’ju mësojë teknika relaksimi për të ulur agresivitetin e ankthit. 

Shembuj të teknikave të relaksimit përfshijnë:

• Relaksim progresiv të muskujve;
• Frymëmarrje të thellë;
• Meditim;
• Imazhe të drejtuara;

Krijimi i një liste

Këtu ju do krijoni një listë me shkaktarët që provokojnë ankth tek ju, duke i renditur ato sipas nivelit të ashpërsisë.

Ekspozimi

Në këtë hap të fundit, gradualisht do të punoni me përballjen ndaj objekteve ose situatave tuaja të listuara që provokojnë ankth, duke përdorur teknikat e relaksimit kur është e nevojshme.

Ka disa mënyra që psikologu mund të zgjedhë për t’ju ​​ekspozuar ndaj provokuesve të ankthit. 

Ekspozimi imagjinar

Në këtë lloj ekspozimi, do të udhëzoheni të imagjinoni objektin ose situatën tuaj që provokon ankth.

Ekspozimi in vivo 

Më këtë metodë, ju do të përballeni me objektin ose situatën që u sjell ankth në jetën reale. Për shembull, një personi me ankth social mund të udhëzohet të mbajë një fjalim para auditorit.

Ekspozimi i realitetit virtual

Në disa raste, realiteti virtual mund të përdoret kur ekspozimi in vivo nuk është i mundur. Terapia e realitetit virtual përdor teknologjinë për të kombinuar elementet e ekspozimit in vivo dhe atij imagjinar. 

3. Terapi dialektike e sjelljes për ankthin

Terapia e sjelljes dialektike (DBT) është një lloj tjetër terapie për ankthin shumë efektive e CBT. 

Fillimisht e përdorur për të trajtuar çrregullimin e personalitetit kufitar (BPD), DBT tani përdoret për të trajtuar një sërë problemesh, përfshirë ankthin.

DBT fokusohet në dy gjëra: pranim dhe ndryshim “dialektik” (të kundërt). Gjatë trajtimit me DBT, do të mësoni të pranoni ankthin tuaj gjatë gjithë kohës. Duke e punuar në mënyrë aktive synoni ta ndryshoni atë. 

Është e ngjashme me idenë të duash veten ashtu siç je, ndërsa përpiqesh të ndryshosh veten për mirë.

Terapia e DBT mëson katër aftësi:

• Kujdes: Lidhuni me momentin e tanishëm dhe vini re mendimet kalimtare (të ankthit) pa u sunduar prej tyre.
• Toleranca e shqetësimit: Menaxhimi i ankthit tuaj kur përballeni me një situatë stresuese.
• Efektiviteti ndërpersonal: Mësoni si të thoni jo, ose kërkoni atë që ju nevojitet.
• Rregullimi i emocioneve: Menaxhimi i ankthit para se të dalë jashtë kontrollit.

4. Terapi e Pranimit dhe Angazhimit për ankthin

Terapia e pranimit dhe angazhimit (ACT) është një formë tjetër e terapisë që është treguar efektive për një sërë çrregullimesh ankthi. 

ACT përfshin identifikimin e vlerave tuaja në jetë dhe më pas veprimin në mënyra që përputhen me vlerat tuaja. Një psikolog me qasje holistike e përfshin këtë terapi sëbashku me atë të CBT.

5. Terapi Arti për ankthin

Terapia e artit është një terapi jo verbale. 

Ajo përfshin: 

1. Përdorimin e artit vizual (të tilla si piktura, vizatimi, ngjyrosja) për të shprehur dhe përpunuar emocionet;
2. Duke përdorur artin për të praktikuar vëmendjen dhe relaksimin;

Edhe pse mund të ofrohet si një terapi e pavarur, zakonisht përdoret në kombinim me metoda të tjera trajtimi siç është CBT. Duke qenë një formë e re e terapisë, nevojiten më shumë kërkime për të konfirmuar efektivitetin e saj në zvogëlimin e simptomave të ankthit.

6. Terapi psikoanalitike për ankthin

Si terapi për ankthin mund të përdoret dhe modeli frojdian. Sipas psikoanalistëve simptomat e ankthit pasqyrojnë konflikte të pavetëdijshme. 

Qëllimi i terapisë psikoanalitike është zgjidhja e tyre. 

Në psikanalizë, ju dhe terapisti do shqyrtoni mendimet, frikën dhe dëshirat. Në këtë mënyrë ju do të kuptoni më mirë veten dhe kështu do zvogëloni ankthin tuaj. 

Kjo është një nga format më intensive të trajtimit; mund të duhen vite për të identifikuar modelet në mënyrën tuaj të të menduarit.

7. Terapi ndërpersonale për ankthin

Terapia ndërpersonale (IPT) fokusohet në rolet dhe marrëdhëniet shoqërore. 

Në IPT, ju do të punoni me terapistin për të identifikuar çdo çështje ndërpersonale që mund të keni, të tilla si:

• Shqetësim i pazgjidhur;
• Konfliktet me familjen ose miqtë;
• Ndryshimet në rolet e punës ose ato shoqërore;
• Problemet që lidhen me të tjerët;

Pastaj do të mësoni mënyra të shëndetshme për të shprehur emocionet dhe mënyra për të përmirësuar komunikimin tuaj me të tjerët.

Megjithëse u krijua fillimisht për të trajtuar depresionin e madh, IPT mund të përdoret nëse ankthi juaj lidhet kryesisht me marrëdhëniet tuaja me njerëzit e tjerë, siç është rasti me ankthin social.

Konkluzion

Nëse jetoni me ankth dhe kjo dëmton funksionimin tuaj të përditshëm, është e rëndësishme të kërkoni ndihmë nga profesionisti i shëndetit mendor. 

Nëse jeni diagnostikuar me një çrregullim ankthi, një plan trajtimi efektiv që përfshin një nga ato terapi për ankthin që rënditem më lart, do t’ju ndihmojnë të trajtoni ankthin tuaj.

Qëllimi i të gjitha terapive per ankthin është t’ju ndihmojë të kuptoni:

• Pse ndiheni ashtu siç ndiheni?
• Cilat janë shkaktarët?
• Si mund të ndryshoni reagimin tuaj ndaj tyre?

Disa lloje të terapisë madje mësojnë teknika praktike për të ndihmuar në riformulimin e të menduarit tuaj negativ dhe ndryshimin e sjelljeve tuaja.

Nëse jeni akoma të pavendosur ose keni pyetje kontaktoni për t’ju informuar më shumë me palnin e trajtimit që do ju përshtatej.