Trajtimi i ankthit – 9 Hapa ndihmues

Trajtimi i ankthit është i mundur me ndjekjen e disa hapave të thjeshtë.

Disa nga opsionet e menaxhimit për ankthin përfshijnë:

1. Mëso për ankthin
2. Kthe vëmendjen tek trupi
3. Teknika relaksimi
4. Teknika të frymëmarrjes
5. Dieta ushqimore
6. Ushtrimi fizik
7. Të mësosh të jesh këmbëngulës
8. Ndërtimi i vetëvlerësimit
9. Zgjidhja e strukturuar e problemeve

1. Mëso për ankthin

Fjalë e urtë e vjetër “njohuria është fuqi” zbatohet këtu. 

Të mësuarit rreth ankthit është thelbësore për rikuperimin. Zakonisht një psikolog kur trajton një rast ankthi, e fillon me psiko-edukim.

Mësimi për ankthin përfshin një shpjegim mes ankthit dhe frikës, apo kur kemi të bëjmë me një ankth të zakonshëm dhe një çrregullim ankthi, etj. Gjithashtu, edukimi është një mënyrë e rëndësishme që ndihmon në kontrollin e simptomave.

Por kujdes, ndonjëherë të lexuarit e simptomave të ankthit vazhdimisht mund t’ju ngarkojë më tej. Prandaj është e rendësishme të konsultoheni me një profesionist dhe kryesire është të mos diagnostikoni veten.

Leximi është i dobishëm vetëm kur duam të kuptojmë se çfarë ndodh kur kemi ankth.

2. Kthe vëmendjen tek trupi

Një person i shqetësuar, mund të kalojë një sasi të konsiderueshme kohe të kapur në mendime që provokojnë ankth. 

Rekomandim: Kthe vëmendjen në momentin aktual, për të mundësuar shkëputjen nga mendimet.

Mindfulness, po bëhet gjithnjë e më e popullarizuar, ndërsa njerëzit fillojnë të kuptojnë se sa e dobishme është për një sërë çështjesh. Ka shumë burime në dispozicion (video, akrtikuj etj.) për t’ju mbështetur për të zhvilluar dhe mësuar këtë praktikë.

3. Teknika relaksimi

Një person që ndihet në ankth shumicën e kohës ka probleme për t’u çlodhur, por të dish se si të çlirosh tensionin e muskujve mund të jetë një strategji e dobishme anti-ankth. 

Teknikat e relaksimit përfshijnë:

• Relaksim progresiv i muskujve
• Frymëmarrje abdominale
• Streching yoga

4. Teknika të frymëmarrjes

Simptomat fizike të ankthit mund të shkaktohen nga hiperventilimi, i cili rrit nivelet e oksigjenit dhe zvogëlon sasinë e dioksidit të karbonit në gjak. Dioksidi i karbonit ndihmon në rregullimin e reagimit të trupit ndaj ankthit dhe panikut.

Mund të jetë e dobishme për një person që vuan nga ankthi të mësojë se si të marrë frymë nga diafragma e tij dhe jo nga gjoksi, për t’u mbrojtur nga hiperventilimi. Gjëja kryesore është të lejoni që barku juaj të zgjerohet ndërsa merrni frymë.

Mund të siguroheni që po merrni frymë siç duhet duke vendosur njërën dorë në pjesën e poshtme të barkut dhe tjetrën në gjoks. Frymëmarrja e duhur do të thotë që barku juaj të lëvizë, në vend të gjoksit. Ndihmon gjithashtu në ngadalësimin e frymëmarrjes ndërsa ndiheni në ankth.

Ju gjithashtu mund të përpiqeni të mbani frymën tuaj për disa sekonda. Kjo ndihmon në rritjen e niveleve të dioksidit të karbonit në gjak.

5. Dieta ushqimore

Magnezi, ndihmon indet e muskujve të relaksohen dhe mungesa e magnezit mund të kontribuojë në ankth, depresion dhe pagjumësi. 

Sigurohuni që dieta juaj e përditshme të përfshijë ushqime të tilla si drithëra integrale, perime me gjethe jeshile dhe produkte qumështi me pak yndyrë.

Nikotina, kafeina dhe drogat stimuluese, nxisin gjëndrat mbiveshkore që të çlirojnë adrenalinën, e cila është një nga kimikatet kryesore të nxitjes së stresit dhe ankthit. Ushqime të tjera që duhen shmangur përfshijnë kripën dhe ushqimet e konservuara.

Zgjidhni ushqime të freskëta, të papërpunuara sa herë që të jetë e mundur.

6. Ushtrimi fizik

Simptomat fizike të ankthit shkaktohen nga përgjigja ‘vrapo-ose-lufto’, e cila përmbyt trupin me adrenalinë dhe kimikate të tjera. Ushtrimi fizik djeg kimikatet e stresit apo ankthit dhe nxit relaksimin. 

Synoni të bëni disa aktivitete fizike të paktën tre deri në katër herë në javë dhe ndryshoni aktivitetet tuaja për të shmangur mërzinë.

7. Të mësosh të jesh këmbëngulës

Të jesh këmbëngulës do të thotë t’u komunikosh të tjerëve nevojat, dëshirat, ndjenjat, besimet dhe opinionet e tua në mënyrë të drejtpërdrejtë dhe të sinqertë pa lënduar qëllimisht ndjenjat e askujt. 

Një person me një çrregullim ankthi mund të ketë probleme për të qenë këmbëngulës sepse kanë frikë nga konflikti ose besojnë se nuk kanë të drejtë të flasin. 

Megjithatë, lidhja pasive me të tjerët ul vetëbesimin dhe përforcon ankthin. Të mësosh të sillesh në mënyrë të sigurt është thelbësore për zhvillimin e një vetëvlerësimi më të fortë.

8. Ndërtimi i vetëvlerësimit

Njerëzit me çrregullim ankthi shpesh kanë vetëbesim të ulët. Të ndihesh i pavlerë mund ta përkeqësojë ankthin në shumë mënyra.

Mund të shkaktojë një stil pasiv të ndërveprimit me të tjerët dhe të nxisë frikën se mos gjykoheni ashpër. 

Lajmi i mirë është se mund të ndërmerrni hapa për të mësuar dhe përmirësuar vetëvlerësimin tuaj. Këshillimi dhe ndjekja nga nje psikolog mund t’ju ndihmojnë të përballeni me këto shqetësime.

9. Zgjidhja e strukturuar e problemeve

Disa njerëz me çrregullime ankthi, shqetësohen për një problem në vend që ta zgjidhin atë në mënyrë aktive. 

Të mësosh se si të zbërthesh një problem dhe më pas të vendosësh për një kurs veprimi, është një aftësi e vlefshme që mund të ndihmojë në menaxhimin e ankthit dhe depresionit. 

Kjo njihet si zgjidhja e strukturuar e problemeve.

Konkluzion

Trajtimi i ankthit, ndihmon të mësoni se si të kontrolloni ankthin tuaj në mënyrë që të mos ju kontrollojë. 

Lloji i trajtimit do të varet nga lloji i ankthit që po përjetoni.

Ndryshime në stilin e jetës, të tilla si ushtrimi i rregullt fizik dhe ushqimi i shëndetshmë do ul  nivelet të stresit dhe si rrjedhojë dhe të ankthit. 

Ju gjithashtu mund të provoni seanca online, shumë prej të cilave janë lehtësisht të aksesueshme për këdo që ka akses në internet dhe me rezultate në menaxhim dhe trajtim ankthi.