Ndarja nga partneri – 3 Arsye pse ndodh ndarja

Ndarja nga partneri mund të vijë për shumë arsye. 

Ekspertët e marrëdhënieve shpesh i rëndisin si arsye se ndarja nga partneri vjen si pasojë e:

• Menaxhimit të parave;
• Tradhëtive;
• Të afërmve;
• Fëmijëve;
• Streseve të tjera normale të jetës;

Por këto nuk janë arsye të mjaftueshme që çojnë në ndarje nga partneri. Të gjitha ato probleme në dukje të ndryshme zbresin në tre arsye themelore. Pra, pse çiftet ndahen?

Arsyet më të zakonshme pse çiftet ndahen janë:

1. Ndarja nga partneri për shkak të dallimeve
2. Ndarja nga partneri për shkak të vëmendjes
3. Ndarja nga partneri për shkak të përshtatjes

1. Ndarja nga partneri për shkak të dallimeve

Në fillimet e një lidhjeje, dallimet mes partnerëve priren të qëndrojnë në prapavijë. Ngjashmëritë e tyre mbizotërojnë, pasi tërheqja është më e fortë dhe marrëdhënia ka kohë për t’u formuar. 

Më pas fillon marrëdhënia e vërtetë.

Në një marrëdhënie të vërtetë ne:

• Zhgënjehemi;
• Jo gjithmonë plotësojmë nevojat tona;
• Kuptojmë se nuk na pëlqen gjithçka në lidhje me partnerët tanë;
• Dhe jo gjithmonë biem dakord për gjëra të rëndësishme. 

Në këtë moment, shumë çifte:

• Fillojnë konflikte të përshkallëzuara;
• Ndiheni sikur ata zgjodhën partnerin e gabuar;
• Fajësojnë njëri – tjetrin për problemet e tyre;
• Mendonjnë për ndarjen;

Zakonisht, kjo do të thotë që çiftet nuk kanë gjetur një mënyrë: 

• Për të zgjidhur konfliktin;
• Për të zgjidhur problemet;
• Për të pranuar dallimet e tyre;
• Për të vazhduar të jenë po aq të sjellshëm dhe bujarë sa kur u takuan për herë të parë;

Ndonjëherë çiftet ndahen ose divorcohen në këtë fazë.

2. Ndarja nga partneri për shkak të vëmendjes

Ekspertët e marrëdhënieve vazhdojnë të thonë se një marrëdhënie ka nevojë për “punë”.  Por, më shumë sesa “punë”, një marrëdhënie kërkon vëmendje. 

Shumica e çifteve e nisin marrdhënien shumë të kënaqur. Sidoqoftë, në një moment, ata fillojnë ta marrin njëri -tjetrin si të mirëqenë dhe nuk i kushtojnë më vëmendje. 

Kur çiftet pushojnë t’i kushtojnë vëmendje marrëdhënies, ata përjetojnë:

• Shkëputje: Ata janë ndarë dhe nuk ndihen më të lidhur me njëri tjetrin.
• Mungesë prekje: Ata nuk prekin, përqafojnë njëri – tjetrin më ose aq shpesh. 
• Mungesë seksi: Ata nuk bëjnë seks ose jo aq shpesh.
• Mungesë empatie: Një problem në punë ose në familjen e origjinës të njërit partner,  nuk e përfshin emocionaliisht partnerin tjetër.
• Ndarje: Ata nuk i bëjnë gjërat së bashku. Secili shikon gjërat e veta.

Pra, ndërsa streset normale të një jete të përbashkët grumbullohen dhe i marrin kohë romancës dhe intimitetit, çiftet mund të futen në krizë ndarjeje. 

Ose, ata mund t’i lënë ankesat që kanë kundër njëri – tjetrit t’i ndajnë ato. Disa çifte divorcohen ose ndahen për shkak të shkëputjes sesa konfliktit.

Këto dy pikat e para janë arsyet më të zakonshme pse çiftet kërkojnë një takim me një psikolog. 

3. Ndarja nga partneri për shkak të përshtatjes

Një arsye e tretë e zakonshme për ndarjen është mungesa e ekuilibrit midis partnerëve. 

Ndërsa marrëdhënia evolon me kalimin e kohës, partenrët duhet të përshtaten me:

• Rrethanat e ndryshuara;
• Rolet e ndryshuara;
• Përvojat e ndryshuara të jetës;

Nëse një partner bën pjesën më të madhe të ndryshimit, pakënaqësia mund të fillojë.

Një psikolog mund të ndihmojë në;

• Balancimin e pritjeve për ndryshim;
• Menaxhimin e konfliktit;
• Përballimin e dallimeve;
• Riparimin e dëmeve psiko-emocioanle për të shmangur ndarjet e dhimbshme;
• Ose për të ndihmuar që ndarja nga partneri të bëhet me dinjitet.

Në disa rrethana, njëri nga partnerët e humb shpresën, por partneri tjetër beson se marrëdhënia mund të përmirësohet dhe të ruhet. 

Në këto raste, disa sesione të këshillimit të  mund të ndihmojnë.

Arsye të tjera pse ndodh ndarja nga partneri, janë:

• Historia e abuzimit me alkoolin ose varësi të tjera;
• Historia e traumave në fëmijëri;
• Çrregullime ose diagnoza e shëndetit mendor;

Konkluzion

Këto arsye veprojnë si faktorë rreziku që ndikojnë negativisht tek ndarja nga partneri. 

Çiftet që kanë këta faktorë rreziku për ndarje, këshillohen t’i kushtojnë vëmendje mënyrës sesi ata veprojnë në marrëdhënien e tyre. 

Ata mund të kërkojnë këshillime individuale ose në çift për të zvogëluar rrezikun ose përmirësuar marrdhënien.

Ekziston një korrelacion midis faktorëve individualë të rrezikut dhe problemeve të marrëdhënieve. Sa më shumë faktorë rreziku, aq më shumë rritet mundësia për probleme në marrëdhënie.

Tani që i di arsyet kryesore pse ndarja nga partneri ndodh, gjithashtu ti di që ka dhe shpresë për riparim. Mund të duhet pak më shumë kohë dhe mund të kërkojë këshillim, por me angazhimin dhe një plan për ndryshim, marrëdhënia juaj mund të lulëzojë sërish.