Postimet E Fundit
Shpjegimi i ëndrrave për shtatzani, fillimisht mund të jenë tregues i një dëshire, që ju thellësisht dëshironi të jeni shtatzënë. Por, pavarësisht se si mund të ndiheni për shtatzaninë, ëndrrat jo gjithmonë janë të lidhura me të.
Vazhdoni të lexoni për shpjegimet e ëndrrave me shtatzani dhe se si ato mund të lidhen me atë që po ndodh në jetën tuaj kur jeni zgjuar:
- Pse janë kaq të zakonshme ëndrrat e shtatzënisë?
- Shpjegimi i 11 ëndrrave me shtatzani
- Çfarë të bëjmë kur ëndrrat me shtatzani bëhen shqetësuese?
1. Pse janë kaq të zakonshme ëndrrat e shtatzënisë?
Arsyeja pse disa ëndrra janë kaq të zakonshme është se ato shkaktohen nga çështje ose sjellje të zakonshme që jemi në kontakt të përditshëm..
Për shembull:
- Projektet e reja;
- Përshtatja me risitë;
- Ndryshimet në jetën e përditshme;
- Fillimet e reja;
- Përpunimi i ideve;
Të gjitha këto elementë nënvetëdija jonë i shfaq në ëndrra përmes simbolikës së shtatzanisë.
2. Shpjegimi i 11 ëndrrave me shtatzani
Ëndërroni që sapo keni ngjizur
Ngjizja kupton pikën e arritjes ose zhvillimit që keni arritur në jetën tuaj, për diçka. Ose, nëse keni një ide, atëherë diçka po fillon.
Ëndërroni se jeni në fund të shtatzanisë
Shtatzania në ëndrrën tuaj lidhet drejtpërdrejt me zhvillimin e qëllimit ose projektit tuaj. Nëse jeni në tremujorin e tretë, atëherë po shkoni në fund të kësaj rruge dhe çdo gjë për të cilën keni punuar do të realizohet.
Ëndërroni që keni “të përziera”
Ndërsa të përzierat e shtatzanisë mund të jenë më se normale, Loewenberg thotë se prania e saj në një ëndërr të shtatzënisë mund të tregojë shqetësim emocional për diçka në jetën tuaj që po rritet.
Kjo mund të lidhet dhe mardhëniet tuaja, për të cilat nuk ndiheni mirë. Kështu që do të duhet të pyesni veten, ka ndonjë lloj aspekti jo të shëndetshëm të kësaj (çfarë ju shqetëson) që duhet ta shikoj dhe ta korrigjoj?
Nëse ëndërroni se jeni shtatzënë me binjakë ose trinjakë
Ndoshta keni dy-tre gjëra në duar. Kështu mund të duket sikur jeni duke ngarkuar veten në shumë gjëra dhe nënvetëdija juaj po jua transmeton në formën e shumë fetuseve.
Ëndërroni se ju lindni, por humbni fëmijën tuaj
Kjo mund të jetë një paralajmërim nga nënvetëdija se diçka për të cilën po punoni – ndoshta ka mundësi të humbasë.
Mos e harroni këtë gjë sepse është diçka që ju e rritët dhe u munduat. Ju e dini dhe mos e nënvlerësoni rëndësinë e saj.
Nëse ëndërroni që jeni shtatzënë me një foshnjë jonjerëzore
Kjo do të tregonte se një zhvillim i ri në jetën tuaj, mund të duket i huaj për ju.
Nuk është diçka që e keni hasur më parë. Pra, do të ishte një mesazh nga nënvetëdija juaj që do të duhet të familjarizoheni me këtë situatë të re.
Nëse ëndërroni se ish-i juaj ju ka lënë shtatzënë
Ëndërrimi i ish-it është pothuajse, po aq i zakonshëm sa ëndrra e shtatzënisë.
Nëse ëndërroni që ish-i juaj ju la shtatzënë, kjo është një tregues shumë i mirë I faktit që keni mësuar shumë gjëra nga ajo marrëdhënie. Në një kuptim, ajo marrëdhënie ju ka lejuar të njihni apo zhvilloni një pjesë të re të vetes.
Shtatzënia përfaqeson gjithë këtë njohuri dhe mençuri të re që po rritet dhe po zhvillohet brenda jush, falë asaj eksperience.
Nëse ëndërroni që të lindni, por nuk mund të ndjeni dhimbje
Pavarësisht nga realiteti se lindja mund të jetë tepër e dhimbshme, në të vërtetë është mjaft e zakonshme të ëndërrosh për këtë pa dhimbje.
Nënvetëdija juaj po ju thotë mos u shqetësoni, kjo nuk do të jetë e dhimbshme në asnjë mënyrë. Thjesht mbaro këtë projekt, mbaro këtë punë, thjesht bëje atë.
Kur ëndërroni se keni dhimbje gjatë lindjes
Këtu është puna për dhimbjen fizike në një ëndërr. Kur ndiheni sikur përjetoni dhimbjen e shtatzanisë, është e lidhur me dhimbjen emocionale në jetën reale.
Kështu, kjo mund t’ju tregojë se ka filluar t’ju lodhë emocionalisht, por përsëri, është në fund të procesit.
Nëse ëndërroni se keni një fëmijë të shëmtuar
Ndërsa bebet janë të gjitha të bukura në mënyrën e tyre, ju mund ta gjeni veten në një ëndërr ku jeni shtatzënë dhe të lindni një foshnjë jo shumë të bukur.
Loewenberg thotë se kjo lloj ëndrre mund të tregojë se ekziston një element i ri në jetën tuaj për të cilin nuk jeni të kënaqur. Nënvetëdija juaj po thotë se ka një situatë të pakëndshme që është zhvilluar në jetën tuaj, por ju e keni sjellë atë mbi veten tuaj. Ju jeni ai që lindi këtë.
Nëse ëndërroni që lindni nga koka ose ndonjë pjesë e pazakontë e trupit
Ju mund të mendoni se lindja e një fëmije përmes duarve tuaja mund të jetë plotësisht e rastësishme, por Loewenberg thotë se këto detaje të vogla mund t’ju ndihmojnë të zhbllokoni kuptimin nga ëndrra juaj.
Ju duhet t’i kushtoni vëmendje të madhe se nga cila pjesë e trupit tuaj del foshnja, sepse nënndërgjegjja juaj zgjodhi atë pjesë për një arsye.
Pastaj pyesni veten, Për çfarë përdoret zakonisht kjo pjesë e trupit? Koka përdoret për të menduar ide. Dhe kështu ajo ëndërr ka të bëjë me lindjen e një mënyre të re të të menduarit.
3. Çfarë të bëjmë kur ëndrrat me shtatzani bëhen shqetësuese?
Çdo lloj ëndrre shtatzanie mund të jetë pak alarmante, por shpesh, ëndrrat janë simbolike.
Është gjithmonë e dobishme të kontrollosh edhe kuptimin fjalë për fjalë të një ëndrre. Ndonjëherë, ëndrrat tona janë referenca të drejtpërdrejta për jetën tonë të zgjuar.
Nëse jeni mjaft i sigurt që nuk jeni shtatzënë, por këto ëndrra ju kanë shqetësuar, ju rekomandojmë t’u bëni vetes këto pyetje:
- Çfarë ju shqetëson kohët e fundit?
- Ndjesia që ju lë ëndrra në fund?
- Sa shpesh e hasni këtë ëndërr?
- A lidhet kjo ëndërr direkt me të qënit shtatëzënë?
Kuptimi i lidhjes së vërtetë mes ëndrrës dhe simbolikës do të ndihmojë në ujlen e ankthit të përjetuar.
Konkluzion
Shpjegimi i ëndrrave me shtatzani, mund të tregojë ndjenjat tuaja për ndonjë ndryshim ose qëllim tjetër në jetën tuaj.
Ëndrrat me shtatzani janë zakonisht të lidhura me diçka tjetër në jetën tuaj që është në një fazë rritje dhe zhvillimi”, thotë Lauri Loeëenberg, një analiste dhe autore profesioniste e ëndrrave.
Ëndrrat janë mënyra ku nënvetëdija juaj komunikon ndjenjat që janë më të vështira për t’u shpaketuar në botën e zgjuar.
Kur jeni brenda ëndrrës dhe nënvetëdija juaj ka kontroll, ju jeni të detyruar të përqendroheni në gjëra që do donit t’i injoronit apo të mbyllnit sytë.Pra, ëndrra na jep një kuptim më të mirë të situatës sonë aktuale duke na e paraqitur atë në një këndvështrim tjetër.
Nëse ndjeni vështirësi dhe kërkoni të diskutoni ëndrrën në detaje, ju rekomandojmë një takim që mund ta realizoni online me një profesionist.
