Postimet E Fundit
Çfarë përjeton një person i zemëruar
Një person i zemëruar mund të kalon përmes tre gjendjeve të zemërimit, ku nëse vetëdijësohet për to, mund të ndihmohet ta menaxhojë.
Për ta bërë më të thjeshtë do ta bazojmë shpjegimin në një rast klink:
Një shofere i kishte prerë rrugën në mënyrë të pakujdesshme klientit tim. Temperatura e tij u rrit dhe ai ndoqi shoferen, duke përplasur përfundimisht makinën e saj dhe gati duke shkaktuar një aksident.
Shoferja ishte një nënë e re në rrugën e saj për në punë me dy fëmijë në sediljet e makinës në pjesën e pasme. Ajo thirri policinë, e cila e tërhoqi klientin dhe e arrestoi.
Klienti nuk kishte asnjë precedent në dosjen e tij policore përpara këtij incidenti dhe tha se ai kurrë nuk kishte bërë diçka të tillë në 38 vitet e jetës së tij. Në seancat e hershme së bashku, ai ishte po aq i hutuar nga sjellja e tij sa duhet të ketë qenë nëna e re e frikësuar në rrugë.
Dhe arsyeja që e solli në terapi ishte pikërisht kjo.
Tre gjendjet që kalon një person i zemëruar jane:
1. Humbje e kontrollit
Kur të gjitha mjetet tona për përballimin shpenzohen, ne hidhemi në sjellje primitive.
Mendoni se sa e palogjikshme (por e zakonshme) është të shtypni një buton ashensori në mënyrë të përsëritur. Ne shtypim butonin përsëri dhe përsëri, edhe pse e dimë se nuk do të ndihmojë.
Këtu është shumë e dobishme përdorimi i frymëmarrjes së thellë (ose një teknikë tjetër relaksimi). Klienti kishte ndier një humbje të kontrollit në punë dhe një humbje të kontrollit në shtëpi.
Kur sjellja e shoferes tjetër bëri që ai të ndjente një humbje tjetër kontrolli atë ditë trafiku të rënduar, ai u përpoq të rimarrë kontrollin duke e “ndëshkuar” atë për drejtimin e saj të pamatur.
2. Ngjarja perceptohet si personale
Një komponent i dytë i zemërimit është se ngjarja precipituese perceptohet si personale.
Klienti kuptoi se shoferja tjetër po i bënte diçka qëllimisht (sikur të kishte planifikuar posaçërisht për ta zemëruar) kur, në fakt, ajo ishte thjesht me nxitim dhe nuk po mendonte.
Ironia është se ne depersonalizojmë shoferin tjetër dhe në të njëjtën kohë e perceptojmë sjelljen e tij si një sulm personal dhe të qëllimshëm ndaj nesh.
3. Besimi se i është bërë padrejtësi
Së fundi, komponenti i tretë është besimi se dikujt i është bërë padrejtësi – se jeta nuk është e drejtë. Klienti besonte se “shoferët e tjerë nuk duhet të jenë kaq të pakujdesshëm”. Në një farë mënyre, ai po përpiqej ta bënte botën të drejtë duke korrigjuar një gabim.
Ky mendim është mjaft i palogjikshëm, por shumë i zakonshëm në incidentet e shpërthimet e zemërimit.
Zemërimi që përjetoi klienti kishte ndodhur pjesërisht për shkak se mbrojtja e tij ishte ulur. Ai kalonte ditë të keqe në punë, jeta e tij në shtëpi ishte në një pikë të ulët dhe në sigurinë e makinës, la aftësitë e tij normale të përballimit të “fluturonin nga dritarja”.
Pas disa javësh punë këshillimi, klienti vazhdoi jetën e tij si një person shumë më i shëndetshëm.
Duke parë këto tre pjesë të zemërimit, ai ishte në gjendje të mësonte të njihte shenjat dhe të zbatonte teknikat e menaxhimit të zemërimit. Shpresoj se ai nuk do ta shohë më kurrë në sediljen e pasme të një makine policie.
Konkluzion
Zemërimi është një emocion magjepsës. Ju nuk mund të “vendosni” të zemëroheni ose jo, sikurse s’mund të vendosni të bini në dashuri me dikë. Në vend të kësaj, në një farë mënyre, zemërimi na sulmon papritmas.
Njerëzit e shprehin zemërimin ndryshe në varësi të një sërë faktorësh, duke përfshirë personalitetin, aftësitë përballuese, historinë dhe kontekstin.
Pavarësisht kësaj, ne të gjithë jemi viktima të saj në një kohë ose në një tjetër, dhe ndonjëherë ky emocion na mashtron.
Keni dëgjuar për persona që kanë kërcënuar të tjerët me armë, janë përfshirë në tërbim të dhunshëm rrugor dhe madje disa që kanë vrarë kolegët apo të afërmit e tyre.
Shumë pak nga këta njerëz i kishin planifikuar sjelljet e tyre para kohe. Ata vepruan spontanisht në vapën e zemërimit.
Nëse ju ose dikush që njihni ka probleme të zemërimit, ju këshillojmë të kërkoni ndihmën e psikologut për të trajtuar këto çështje.
