Nervozizmi – Si ta përballoni atë dhe të ndiheni më mirë

Nervozizmi ndjehet si një kombinim i ankthit dhe frikës, i shkaktuar nga diçka që ju streson. Pëllëmbët tuaja mund të djersiten, rrahjet e zemrës mund të rriten dhe mund të ndjeni atë ndjenjën e stomakut të valëzuar nervor.

Lexoni më shumë:

1. Pse ndihemi nervozë?
2. Si ndryshon nervozizmi nga një çrregullim ankthi?
3. Çfarë mund të bëj për të kapërcyer nervozizmin?

1. Pse ndihemi nervozë?

Çdo gjë që shkakton frikë mund të çojë në ndjenja nervozizmi dhe mund të shkaktohen nga përvoja të mira dhe negative, të tilla si:

• Takimi i parë romantik
• Intervista për punë
• Pjesëmarrja në një funeral
• Provimi etj.

Si reagon trupi ndërsa fillon të ndihemi nervoz:

Nervozizmi është një ndjenjë e zakonshme e shkaktuar nga stresi. 

Trupi juaj rrit prodhimin e adrenalinës. Pothuajse menjëherë, zemra juaj fillon të rrahë më shpejt, presioni i gjakut rritet dhe frymëmarrja juaj përshpejtohet.

Kjo përgjigje mund të rezultojë në ndjenja nervozizmi ose ankthi.

2. Si ndryshon nervozizmi nga një çrregullim ankthi?

Nervozizmi:

• Është një përgjigje e natyrshme ndaj stresit/ankthit momental.
• Është e përkohshme dhe zgjidhet pasi të ketë kaluar situata stresuese. 

Çrregullimet e ankthit:

• Zhvillohen nga një sërë faktorësh kompleks, duke përfshirë gjenetikën, kiminë e trurit dhe ngjarjet e jetës.
• Janë afatgjatë dhe të pakontrollueshme pa trajtim profesional.

3. Çfarë mund të bëj për të kapërcyer nervozizmin?

Të nervozohemi na bën njerëz

Në një situatë të pakëndshme, kujtojini vetes se nervozizmi është normal. Shumica prej nesh ndihen kështu kur përballen me ndryshime ose situata jo të këndshme.

Nervozizmi është edhe i dobishëm.

Për shembull

Juve mund t’ju kërkohet të bëni dicka që nuk ju takon ose bie ndesh me vlerat tuaja. Kjo kërkese do ju jep nervozëm dhe do ju nxisë të thoni jo.

Gjithashtu mund t’ju nxisë të performoni mirë në një prezantim.

Kohë përgatitje

Ka disa situata sociale dhe pune për të cilat mund të përgatiteni paraprakisht dhe të ndiheni më pak nervoz, si:

• Duke u praktikuar për një prezantim ose takim të planifikuar të punës
• Shoqërimi nga një mik apo një i dashur në një event apo takim
• Marrja e kohës shtesë për t’u përgatitur për punë, takime ose ngjarje të tjera shoqërore

Flisni me dikë

Telefononi nënën tuaj, mikun tuaj më të mirë ose këdo tjetër që keni besim.

Ndarja e ndjenjave tuaja me dikë me të cilin ndiheni rehat ndihmon për t’i vënë gjërat në tjetër perspektivë. Ata mund t’ju ndihmojnë ta shihni situatën në një dritë më racionale.

Një studim i vitit 2014 tregoi se ndarja e ndjenjave tuaja me dikë tjetër, veçanërisht dikë që ka kaluar një situatë të ngjashme, mund të zvogëlojë stresin dhe t’ju bëjë të ndiheni më pozitivë.

Provoni një teknikë relaksimi

Të mësuarit për t’u çlodhur është i rëndësishëm për tejkalimin e nervozizmit dhe menaxhimin e stresit në përgjithësi. Ushtrimet e frymëmarrjes janë vetëm një mënyrë për të praktikuar relaksim.

Frymëmarrja e thellë funksionon shpejt dhe mund të praktikohet në çdo kohë dhe në çdo vend ku ndiheni nervoz.

Ka lloje të ndryshme të ushtrimeve të frymëmarrjes që kanë treguar se funksionojnë. Këto përfshijnë teknikën e frymëmarrjes 4-7-8 dhe frymëmarrjen diafragmatike.

Konkluzion

Nervozizmi është një përgjigje krejtësisht e natyrshme ndaj një përvoje të re ose një situate që është jashtë zonës suaj të rehatisë.

Ndonëse është e pakëndshme, ndjenja është vetëm e përkohshme dhe do të ndiheni sërish të qetë sapo të mbarojë shkaku i nervozizmit tuaj.

Merrni në konsideratë konsultat psikologjike, nëse shikoni se nuk arrin të menaxhoni atë vetë dhe ju pengon.