Mpirja e duarve - A mund të vijë nga ankthi?

Mpirja e duarve apo mpirja e këmbëve, ndjesi shpimi ose gjilpërash mund të ndihen shpesh në trup si pasojë e ankthit.

Pse mpirja shfaqet si një simptomë ankthi? Si mund të dalloni nëse ka të bëjë me ankthin apo diçka tjetër? Kur duhet të shkoni te mjeku?

Lexoni më shumë për:

Si ndihet mpirja e duarve?
Pse ndodh mpirja e duarve?
Shkaqet e zakonshme të mpirjes përveç ankthit
Si ta trajtoni mpirjen e duarve?
Kur duhet të takoni një mjek

1. Si ndihet mpirja e duarve?

Ndërsa mpirja mund të prekë pothuajse çdo pjesë të trupit tuaj, ajo shpesh përfshin këmbët, krahët ose duart.

Ju mund të përjetoni mpirje të lidhura me ankthin në shumë mënyra, si:

Ndjesi shpimi gjilpërash;
Humbje ndjeshëmrie në një zonë të trupit;
Një ndjenjë e lehtë djegieje;

Megjithatë, ndjesia nuk përhapet domosdoshmërisht në të gjithë pjesën e trupit. Ju mund ta vëreni atë:

Në majë të gishtave të duarve ose këmbëve tuaja.
Mund të shfaqet gjithashtu përgjatë kokës ose në pjesën e pasme të qafës.
Mund të shfaqet edhe në fytyrën tuaj.
Disa njerëz madje përjetojnë ndjesi shpimi gjilpërash dhe mpirje në majën e gjuhës.

2. Pse ndodh mpirja e duarve?

Mpirja e lidhur me ankthin ndodh për dy arsye kryesore:

Reagimi i shkaktuar në rast rreziku: lufto-ose-largohu.
Hiperventilimi.

Reagimi i shkaktuar në rast rreziku: lufto-ose-largohu

Ankthi ndodh kur ndiheni të kërcënuar ose të stresuar. Truri juaj fillon të dërgojë sinjale në pjesën tjetër të trupit tuaj menjëherë, duke i thënë që të përgatitet për të përballuar kërcënimin ose për të shpëtuar prej tij.

Pra reagimi lufto-ose-ik.

Një pjesë e rëndësishme e këtij reagimi është rritja e fluksit të gjakut në muskujt dhe organet tuaja të rëndësishme, ose zonat e trupit tuaj që do të ofronin mbështetjen më të madhe për të luftuar ose për t’u larguar.

Pjesët e trupit tuaj që nuk janë aq thelbësore për një situatë luftimi ose largimi, ndalojnë procesin e tyre si psh stomaku dhe gjaku vërshon shpejtë drejt duarve dhe këmbëve tuaja. Kjo shpesh shkakton një mpirje të përkohshme.

Hiperventilimi

Nëse jetoni me ankth, mund ta keni parasysh se si ndieni shqetësime tek frymëmrrja.

Kur ndiheni shumë të shqetësuar, mund ta gjeni veten duke marrë frymë me shpejtësi ose në mënyrë të parregullt. Edhe pse kjo mund të mos zgjasë shumë, mund të ulë sasinë e dioksidit të karbonit në gjakun tuaj.

Si përgjigje, enët tuaja të gjakut fillojnë të ngushtohen dhe trupi juaj mbyll rrjedhjen e gjakut në zona më pak thelbësore të trupit tuaj, si gjymtyrët tuaja, në mënyrë që të mbajë gjakun të rrjedhë aty ku ju nevojitet më shumë.

Ndërsa gjaku rrjedh nga gishtat e duarve, gishtat e këmbëve dhe fytyra, këto zona mund të ndjehen të mpira ose me ndjesi shpimi gjilpërash.

Nëse hiperventilimi vazhdon, sasia e pakët e rrjedhjes së gjakut në trurin tuaj mund të shkaktojë poashtu mpirje më të madhe në gjymtyrët tuaja.

Disa njerëz me ankth, veçanërisht me ankth shëndetësor (hipokondria), mund të vërejnë mpirje dhe ndjesi shpimi gjilpërash që ndodhin për një arsye krejtësisht të zakonshme, si qëndrimi ulur shumë gjatë, por e shohin atë si diçka më serioze.

3. Shkaqet e zakonshme të mpirjes përveç ankthit

Shkaqet e zakonshme të mpirjes përveç ankthit përfshijnë:

Ulur ose në këmbë në të njëjtin pozicion për një periudhë të gjatë kohore;
Pickimet e insekteve;
Skuqjet;
Nivele të ulëta të vitaminës B-12, kaliumit, kalciumit ose natriumit;
Efektet anësore të ilaçeve;
Përdorimi i alkoolit;

4. Si ta trajtoni mpirjen e duarve?

Nëse ankthi juaj ndonjëherë shfaqet me mpirje, ka disa gjëra që mund t’i provoni në moment për lehtësim.

Lëviz

Aktiviteti i rregullt fizik mund të shkojë shumë drejt përmirësimit të shqetësimit emocional të lidhur me ankthin. Ngritja dhe lëvizja mund t’ju ndihmojë gjithashtu të qetësoheni kur papritmas ndiheni shumë të shqetësuar.

Lëvizja e trupit tuaj mund t’ju ndihmojë të largoni vëmendjen nga shkaku i ankthit tuaj. Por stërvitja gjithashtu bën që gjaku juaj të rrjedhë dhe mund të ndihmojë që frymëmarrjen tuaj të kthehet në normalitet.

Ju mund të mos shkoni në stërvitje intensive, por mund të provoni:

Ecjen e shpejtë;
Një vrapim itë lehtë;
Disa shtrirje të thjeshta;
Vrapimi në vend;
Duke kërcyer me këngën tuaj të preferuar;

Provoni ushtrimet e frymëmarrjes

Frymëmarrja me bark (diafragmatike) dhe llojet e tjera të frymëmarrjes së thellë ndihmojnë shumë njerëz të menaxhojnë ankthin dhe stresin në këtë moment.

Frymëmarrja e thellë mund të ndihmojë gjithashtu me mpirjen, pasi këto ndjesi ndodhin shpesh kur keni probleme me frymëmarrjen.

Bëni diçka relaksuese

Nëse jeni duke punuar në një detyrë që ju shqetëson, provoni të shpërqendroheni me një aktivitet të këndshëm, i cili gjithashtu mund t’ju ndihmojë të largoni mendjen nga çdo gjë që kontribuon në ankthin tuaj.

Nëse ndiheni sikur nuk mund të largoheni, mbani në mend se edhe një pushim i shpejtë 10 ose 15-minutësh mund t’ju ndihmojë të rivendosni qetësinë.

Mund të ktheheni te stresori më vonë kur të ndiheni më të pajisur për ta trajtuar atë në një mënyrë produktive.

Provoni këto aktivitete qetësuese:

Shikoni një video që ju bën të qeshni ose që ju qetëson;
Dëgjoni muzikë relaksuese;
Telefononi një mik ose një të dashur;
Kaloni pak kohë në natyrë;

Ndërsa ankthi i menjëhershëm kalon, edhe mpirja do të kalojë gjithashtu.

5. Kur duhet të takoni një mjek

Mpirja nuk tregon gjithmonë një shqetësim serioz shëndetësor, por në disa raste, mund të jetë një shenjë e diçkaje tjetër që po ndodh.

Është e nevojshme të caktoni një takim me mjekun nëse përjetoni mpirje që:

Zgjat ose vazhdon të kthehet;
Përkeqësohet me kalimin e kohës;
Ndodh kur bëni lëvizje specifike, të tilla si shtypja ose shkrimi;
Nuk duket se ka një shkak të qartë;
Nëse mpirja ndodh papritur ose pas traumës së kokës;
Nëse prek një pjesë të madhe të trupit tuaj (si për shembull të gjithë këmbën tuaj në vend të gishtave të këmbëve).

Ju do duhet të merrni ndihmë urgjente nëse përjetoni mpirje së bashku me:

Marramendje;
Dhimbje koke e papritur dhe intensive;
Dobësi e muskujve;
Çorientimi;
Vështirësi në të folur;

Këtu është një gjë e fundit që duhet mbajtur parasysh: Mënyra më e mirë për të lehtësuar mpirjen e lidhur me ankthin është të trajtoni ankthin me psikolog.

Terapia mund t’ju ndihmojë të filloni të eksploroni dhe adresoni shkaqet themelore të ankthit, të cilat mund të çojnë në përmirësime në të gjitha simptomat tuaja.

Nëse vëreni se simptomat e ankthit kanë filluar të ndikojnë në marrëdhëniet tuaja, shëndetin fizik ose cilësinë e jetës, mund të jetë një kohë e mirë për të kërkuar ndihmë.

Përmbledhje

Kushtet e ankthit – qofshin këto çrregullime paniku, fobi ose ankth i përgjithësuar etj – përfshijnë shumë simptoma të ndryshme dhe jo të gjitha janë emocionale.

Simptomat mund të përfshijnë shqetësime fizike si tensioni i muskujve, stomak i shqetësuar, të dridhurat dhe dhimbjet e kokës së bashku me shqetësimet emocionale si përgjumja, shqetësimi dhe mendimet.

Diçka tjetër që mund të vini re? Mpirja e duarve apo mpirja e këmbëve si dhe pjesëve të tjera të trupit.

Nuk është e pazakontë të përjetosh mpirjen si një simptomë ankthi, kështu që ndërsa ndjesitë e shpimit mund të ndihen mjaft shqetësuese, zakonisht nuk ka nevojë për t’u shqetësuar.

Disa praktika, duke përfshirë aktivitetin fizik, mund të ndihmojnë në rivendosjen e ndjeshmërisë. Nëse mpirja vazhdon të kthehet ose ndodh me simptoma të tjera fizike, duhet të konsultoheni me mjekun tuaj

Asnjëherë nuk është e dëmshme të kërkoni mbështetje profesionale për shqetësimin emocional – terapia ofron një hapësirë pa gjykim ku mund të merrni udhëzime mbi strategjitë vepruese për të menaxhuar simptomat e ankthit.