Kujdes – Linja e hollë midis kujdesit dhe kontrollit

Kujdes është një grup veprimesh që synojnë të përmirësojnë mirëqenien e dikujt. Kontrolli i lejon një personi të imponojë vullnetin e tij mbi njerëzit e tjerë, edhe nëse ata nuk e duan atë.

Le të shohim më shumë se si kontrolli ndryshon nga kujdesi.

1. Dallimi mes kujdesit dhe kontrollit
2. Shprehje të zakonshme kontrolli
3. Shprehje të zakonshme kujdesi
4. Raste klinike si shembuj

1. Dallimi mes kujdesit dhe kontrollit

Ekziston një vijë shumë e hollë dallimi midis kujdesit dhe kontrollit, duke e bërë shumë të vështirë dallimin midis të dyjave. 

Ndërsa kujdesi lind nga një ndjenjë vetëmohimi dhe dashurie, kontrolli zakonisht fillon me ndjenjat e pasigurisë dhe pakënaqësisë. Ndërsa kujdesi shpreh dashurinë, kontrolli shpreh egon.

Kontrolli dhemb… kujdesi shëron

2. Shprehje të zakonshme kontrolli

Këto shprehje janë të zakonshme që përdorin ose përdorim kur ushtojmë kontroll:

• E di më mirë se ty, se çfarë duhet të bësh.
• Nëse nuk do bësh atë që të them unë, nuk do të të flas më.
• Po e bëj gjithë këtë, sepse dua të të ndihmoj ty.
• Ti nuk je falenderues dhe mirënjohës.
• Si gjithmon ti dështove dhe këtë herë.
• Marku nuk është partner ideal për ty, Eni po.
• Fshij lotët dhe mblidh veten.
• As mos e mendo të dalësh me miqtë e tu pa mua.
• E di unë se cfarë të nevojitet.
• Vishu mirë.
• Kush të tha të bëje atë gjë pa më thënë.

3. Shprehje të zakonshme kujdesi

Më poshtë janë disa shprehje janë të zakonshme që përdorin ose përdorim kur ofrojmë kujdes:

• Do të të ndihmoj të arrish atë që do.
• Më vjen keq që nuk shkoi siç doje këtë herë.
• Mund të bësh atë gjë që mendon si të drejtë në këtë situatë.
• Shikoj që po kalon kohë të vështira. Mund të të ndihmoj?
• Kjo është jeta jote dhe zgjedhjet i bën ti.
• Mund të më thuash nëse diçka të shqetëson tek unë.
• Nuk ka asgjë të keqe nëse qan. Unë jam këtu nëse ke nevojë për mua.
• Kalo mirë me miqtë e tu.
• Si mund të të ndihmoj?
• Jam shumë i/e lumtur të të ndihmoj?

4. Raste klinike si shembuj

Më lejoni të ndaj dy histori që do t’ju ndihmojë të bëni dallimin midis të dyjave. 

Hisoria 1

Një çift i moshës së mesme vizitoi një psikolog për një këshillim në çift. 

Gjatë konsultës, ata filluan të debatojnë të pashqetësuar nga prania e psikologut. Burri i mërzitur iu drejtua psikologut dhe i tha: “Shiko, unë kujdesem shumë për të dhe kjo është ajo që marr në këmbim.” Gruaja e tij u përgjigj me zemërim: “Atij nuk i intereson, ai thjesht kontrollon”.

Në këtë histori, ju mund të shihni se kujdesi nga një person u perceptua si kontroll nga një tjetër.

Historia 2

Një baba pati një debat të ashpër me vajzën e tij adoleshente për një çështje disiplinore. 

Debati çon në shkëmbimin e fjalëve të ashpra duke i bërë të dy të përlotur. Pas pak, me qetësimin e emocioneve, të dyve u erdhi keq dhe i përcollën ndjesën njëri-tjetrit. Vajza e përqafoi babanë e saj dhe i tha: “Baba arsyeja pse u mërzite në fillim nuk ishte se bëra diçka të gabuar, ti u mërzite sepse nuk ndoqa udhëzimet e tua.

Ky është ndryshimi që duhet të kuptojmë. Babai mbeti i shtangur nga mendimi i pjekur i së bijës. Ai e kuptoi atë që po mendonte pasi nuk ishte kujdesi që çoi në konflikt, por kontrrolli.

Konkluzion

Duket se ndryshimi është mjaft i dukshëm, tani, apo jo?  Dhe megjithatë, disa njerëz shpesh bëjnë përpjekje për të kontrolluar dhe vendosur pushtetin mbi një person tjetër si kujdes.

Dhe një gjë tjetër për kujdesin. Mund të shndërrohet shumë lehtë në kontroll sapo të ketë një qëllim për të kontrolluar jetën e një personi tjetër. Edhe nëse në disa raste, bëhet për qëllime të mira.

Kur kujdesemi vërtet për dikë, në vend që të zemërohemi me atë person, ne do të kërkonim mënyra të ndryshme për ta ndihmuar atë. Kështu që vazhdoni të kujdeseni për njerëzit që doni, por pa i kontrolluar ata.

Ndarja është kujdes, prandaj, ndajeni këtë postim me dikë që ju intereson!