Etel Turtulli

Falë një përkushtimi ndaj psikologjisë klinike dhe edukimit i kam kushtuar karrierën time mbështetjes së individëve të të gjitha moshave që përballen me sfida të ndryshme psikologjike. Përvoja ime përfshin punën si psikologe klinike e shkollore dhe si trajnere në fushat e edukimit dhe psikologjisë.

Specializimet dhe përvojat e shumta më kanë formësuar si dhe më kanë zhvilluar besimin se të ndihmosh të tjerët është një pjesë themelore e asaj që na bën njerëz. Kam një përvojë të gjerë dhe ekspertizë në trajtimin e çrregullimeve të ankthit, depresionit, dhe stresit post-traumatik, çrregullimit obsesi-kompulsiv, çrregullimeve të të ngrënit, disforisë gjinore, ankthit dhe çrregullimeve të humorit, problemeve të sjelljes, përfshirja e aftësive dhe teknika të tjera, si menaxhimi i stresit dhe përmirësimi i aftësive për zgjidhjen e problemeve etj.

Terapia e njohjes dhe sjelljes më ka ndryshuar thellbësisht, duke besuar atë që Aaron Beck ka thënë: “Ne nuk jemi produkt i rrethanave tona, por e mendimeve tona.”

Një pjesë e shërimit është të kuptojmë se mendimet tona janë rrënja e vështirësive dhe se ndryshimi i këtyre mendimeve mund të sjellë shërim. Nëse ndryshojmë mënyrën se si mendojmë, mund të ndryshojmë jetët tona.

Aftësitë gjatë seancave

• Dëgjimi empatik dhe i thelluar në krijimin e një lidhjeje të fortë terapeutike, duke siguruar që klientët të ndihen të dëgjuar dhe të vlerësuar.
• Qëndrimi i qetë dhe i hapur pa gjykuar mendimet, emocionet apo sjelljet e klientit.
• Respektimi i kohës dhe hapësirës që klinenti ka nevojë për të procesuar informacionin dhe për të folur.  
• Përkushtim për krijimin e një mjedisi terapeutik të sigurt dhe mbështetës, duke inkurajon hapjen dhe zhvillimin personal.
• Të kuptuarit dhe të adresuarit të çështjeve emocionale dhe psikologjike delikate me ndjeshmëri dhe respekt, duke i ofruar mbështetje të kujdesshme dhe të përshtatshme.