Karakteri – Si ndryshon nga personaliteti?

Karakteri është ajo pjesë e personalitetit që zhvillohet përmes të mësuarit dhe përvojës sonë. Është e kundërta e temperamentit, pasi temperamenti është pjesa e lindur e personalitetit.

Personaliteti = Temperament + Karakter.

Zbuloni më shumë për dallimet:

1. Çfarë është karakteri?
2. Si ndryshon karakteri nga personaliteti?
3. Disa shembuj të karakterit

1. Çfarë është karakteri?

Karakteri përfaqëson qëndrimet dhe besimet tuaja etike, morale dhe sociale.

Termi karakter nënkupton karakteristikat e qëndrueshme dhe dalluese mendore dhe morale të një individi. Është i vetmi faktor që përcakton reagimin tonë ndaj një situate të caktuar. 

Ai përcakton: 

• Modelin e sjelljes së një personi;
• Stilin e të menduarit;
• Kontrrollimin e ndjenjave;

Ai formohet nga mjedisi që na rrethon, aftësinë mendore, parimet morale dhe faktorë të tjerë të ngjashëm. 

2. Si ndryshon karakteri nga personaliteti?

Dallimet domethënëse midis personalitetit dhe karakterit diskutohen në pikat e mëposhtme:

Personaliteti

• Kuptimi: Personaliteti i referohet gamës së cilësive dhe tipareve dalluese personale të një individi;
• Tiparet: Personal dhe fizik;
• Përfaqësimi: Kush jemi në dukje?
• Çfarë është? Është identiteti;
• Natyra: Subjektive;
• Shprehja: Pamja e jashtme dhe sjellja e një personi;
• Ndryshimi: Mund të ndryshojë me kalimin e kohës;
• Vleresimi i shoqerisë: Nuk ka nevojë për aprovim dhe mbështetje të shoqërisë;

Karakteri

• Kuptimi: Karakteri i referohet një grupi moralesh dhe besimesh që përcaktojnë mënyrën se si ne trajtojmë ose sillemi me të tjerët dhe me veten;
• Tiparet: Mendor dhe moral;
• Përfaqësimi: Kush jemi ne në të vërtetë?
• Çfarë është? Është një sjellje e mësuar;
• Natyra: Objektive;
• Shprehja: Tiparet e një personi që janë abstrakte;
• Ndryshimi: Mbetet i njëjtë;
• Vleresimi i shoqerisë: Kërkon aprovimin dhe mbështetjen e shoqërisë;

3. Disa shembuj të karakterit

Karakteri mund të jetë më i dukshëm në situata të caktuara ku ju zbatoni besimet tuaja thelbësore në rrethanat në fjalë.

Për shembull, nëse besoni në drejtësinë sociale, karakteri juaj mund të shfaqet kur jeni dëshmitar i diçkaje që e konsideroni një padrejtësi. Mund t’ju shtyjë në veprim.

Disa shembuj të karkakterit janë:

• Ndershmëria;
• Besnikëria;
• Bujaria;
• Ambicia;
• Drejtësia;
• Integriteti etj.

Konkluzion 

Ndërsa personaliteti tregon se çfarë jeni jashtë ose çfarë jeni për botën, karakteri zbulon atë që jeni brenda. 

Meqenëse këto janë të lidhura drejtpërdrejt me qëndrimin dhe sjelljen e një personi, shumica e njerëzve ngatërrohen lehtësisht midis këtyre dyve.

Nëse kombinoni personalitetin dhe karakterin tuaj, rezultati do të jetë ai/ajo që jeni në realitet. 

Seancat me psikolog mund t’ju ndihmojnë në vetëzbulim dhe vetëkuptim të karakterit tuaj.