Postimet E Fundit
Depresioni tek meshkujt – Simptomat e zakonshme
Depresioni tek meshkujt ndryshon nga depresioni tek femrat.
Ndoshta ju që jeni futur këtu dhe po lexoni jeni një burrë ose djalë që ndjeni se keni disa probleme me shëndetin mendor apo edhe fizik, por nuk e dini se çfarë nuk shkon.
Ose ndoshta jeni një grua ose vajze dhe partneri juaj mashkull po kërkon përgjigje dhe ju po përpiqeni të kuptoni apo ndihmoni.
Ky artikull është për ju.
Lexoni më shumë për:
- Simptomat psikologjike të depresionit tek meshkujt
- Simptomat fizike të depresionit tek meshkujt
- Simptomat e depresionit tek meshkujt ndryshe nga femrat
1. Simptomat psikologjike të depresionit tek meshkujt
Zemërim, sjellje agresive dhe nervozizëm
A jeni ndjerë ndonjëherë i zemëruar dhe nuk e dini pse? Shumë meshkuj ndihen të zemëruar dhe sillen në mënyrë agresive kur janë në depresion.
Njerëzit e tjerë zakonisht nuk e kuptojnë arsyen e këtyre mendimeve dhe ndjenjave, dhe burrat shpesh nuk i njohin ato si një shenjë depresioni.
Shqetësim
Mund të ndiheni të shqetësuar gjatë një episodi depresiv. Ndiheni sikur duhet të ngriheni dhe të lëvizni, edhe kur duhet të qëndroni aty ku jeni.
Ose, mund të ndiheni sikur jeni në cep të greminës, sikur duhet të përgatiteni për diçka të tmerrshme që është afër.
Ndjenja e ankthit
Ankthi është i lidhur me depresionin për shumë njerëz. Është një ndjenjë nervozizmi, frike e pajustifikuar ose shqetësimi për të ardhmen.
Humbja e interesit për gjërat që dikur ju pëlqenin
Burrat shpesh humbasin interesin për punën e tyre, edhe nëse dikur ishin të kënaqur. Ju gjithashtu mund të humbni interesin për jetën familjare ose për ndonjë gjë tjetër që dikur e keni pëlqyer.
Probleme seksuale
Nëse keni probleme seksuale, problemi mund të jetë i lidhur me depresionin, nëse jeni mashkull. Mund të mos ndjeni as dëshirën më të vogël për të bërë seks.
Në secilin rast, është e kuptueshme që do të dëshironit të dilni përtej depresionit, në mënyrë që të rifitoni një jetë të shëndetshme seksuale.
Abuzimi me alkoolin ose substancat
Një gjë që ndodh shpesh me depresionin tek burrat është zgjidhja me alkool ose droga ilegale. Zakonisht, kjo fillon përpara se depresioni të fillojë, por zakonisht vazhdon dhe rritet ndërsa depresioni thellohet.
Marrja e rreziqeve
Meshkujt shpesh marrin rreziqe të mëdha kur ndihen të depresionuar. Ata mund të bëjnë diçka të rrezikshme fizikisht, si p.sh. ngarje shumë shpejt në autostradë. Ose, ata mund të luajnë kumar me paratë që u nevojiten për veten e tyre ose për të familjen e tyre.
Një shembull tjetër i sjelljes me rrezik të lartë si pjesë depresioni tek meshkujt është kryerja e marrëdhënieve seksuale të pambrojtur.
Tërheqja nga të tjerët
Depresioni tek meshkujt shpesh përfshin tërheqjen nga të tjerët. Burrat mund të izolohen nga të tjerët kur janë në depresion.
Ndoshta kjo është për shkak të një tendence shoqërore që prindërit t’i mësojnë djemtë e tyre t’i zgjidhin problemet vetë dhe vajzat e tyre të jenë më sociale. Ndërsa kjo prirje mund të ndryshojë, ajo ende prek shumë meshkuj sot.
Probleme me përqendrimin dhe kujtesën
Në fakt të dyja gjinitë mund ta kenë të vështirë të përqendrohen ndërsa janë në depresion. Ata gjithashtu mund të kenë probleme me kujtesën, veçanërisht në kujtimin e detajeve.
2. Simptomat fizike të depresionit tek meshkujt
Sëmundjet fizike
Depresioni te meshkujt shpesh merr formën e ankesave fizike.
Ju mund të ndjeni:
- Zemrën tuaj të rreh shumë shpejt;
- Të keni shtrëngim në gjoks;
- Të keni probleme me tretjen;
- Të vëreni dhimbje të shpeshta në trup;
- Imunitet i ulët (p.sh. sëmureni shpesh)
- Dhimbje koke;
Ju mund të shkoni te mjeku juaj për të shprehur këto shqetësime dhe të zbuloni se ose nuk mund të identifikojnë asnjë shkak fizik ose asgjë që rekomandojnë nuk duket se ndihmon.
Vështirësi për të fjetur
Problemet e gjumit janë të zakonshme gjatë një depresioni tek meshkujt. Zakonisht ajo që është e vështirë është të flini ose të qendroni në gjumë.
3. Simptomat e depresionit tek meshkujt ndryshe nga femrat
Si burrat ashtu edhe gratë vuajnë nga depresioni, por gatishmëria e tyre për të folur për ndjenjat mund të jetë shumë e ndryshme.
Kjo është një nga arsyet që simptomat e depresionit tek meshkujt ndryshojnë nga gratë.
Për shembull:
- Disa burra me depresion fshehin emocionet e tyre dhe mund të duken të zemëruar, nervozë ose agresivë, ndërsa shumë gra duken të trishtuara ose shprehin trishtim.
- Meshkujt me depresion mund të ndihen shumë të lodhur dhe të humbasin interesin për punën, familjen ose hobi, kurse gratë mund të qëndrojnë të përfshira p.sh tek familja.
- Ato mund të kenë më shumë gjasa të kenë vështirësi për të fjetur sesa gratë që kanë depresion.
- Ndonjëherë simptomat e depresionit tek meshkujt duken si shqetësime fizike p.sh.:
- Rrjahje të shpejta zemre;
- Dhimbje koke të vazhdueshme;
- Probleme me tretjen, etj,
- Shumë burra kanë më shumë gjasa të shkojnë tek mjeku për simptomat fizike sesa tek psikologu për simptomat emocionale.
- Disa burra mund t’i drejtohen drogave ose alkoolit për t’u përpjekur të përballojnë simptomat e tyre emocionale.
- Gjithashtu, ndërsa gratë me depresion kanë më shumë gjasa për të tentuar vetëvrasje, burrat kanë më shumë gjasa të vdesin nga vetëvrasja, sepse ata priren të përdorin metoda më vdekjeprurëse.
Nëse ju ose dikush që njihni ka simptomat më lart, kërkoni menjëherë ndihmë profesionale mjek ose psikolog.
Konkluzion
Ndonjëherë depresioni, veçanërisht depresioni tek meshkujt, nuk duket si ju mendoni.
Nëse në mendjen tuaj, imazhi që ju krijohet për dikë në depresion është ajo i të qënit i trishtuar gjatë gjithë kohës, ju po shikoni vetëm një pjesë të figurës.
Meshkujt në depresion janë shpesh të zemëruar, agresivë ose të mërzitur po aq shpesh sa dhe melankolikë. Por shpesh, ajo që ndodh është se nuk arrijnë t’i shohin simptoma të tilla si shenja të sëmundjes mendore.
Për këtë arsye dhe të tjera që lidhen me konceptin tonë publik për burrërinë, depresioni tek burrat, shpesh kalon i padiagnostikuar dhe i patrajtuar duke e bërë një problem serioz.
Kërkoni ndihmë profesionale për trajtimin e depresionit.
